Embraer Lineage 1000

Na Galipedia, a Wikipedia en galego.
Embraer Lineage 1000
Embraer ERJ-190-100ECJ Lineage 1000 - Ryabtsev.jpg
Tipo avión de negocios
Fabricante Embraer
Primeiro voo 26 de outubro do 2007
Estado en produción
Construídos 13

O Embraer Lineage 1000 é unha variante do avión de pasaxeiros rexional Embraer 190, lanzado como reactor privado o 2 de maio do 2006. Fabricado pola compañía brasileña Embraer, o Lineage é publicitado como un avión de negocios "ultra-grande" con cómodos asentos para 19 pasaxeiros. Realizou o seu primeiro voo o día 26 de outubro do 2007 e ata a data fabricáronse 13 unidades.

Deseño[editar | editar a fonte]

O Lineage 1000 baséase en gran medida no exitoso reactor Embraer 190. O principal cambio no Lineage 1000 é a colocación de tanques de combustible adicionais nos espazos de carga na parte baixa da cuberta, case dobrando o alcance do avión, e a presenza dun luxoso interior, dividido en 5 seccións nas que se inclue un dormitorio opcional, baño con auga corrente, e unha cabina de carga na parte traseira. Ten ao seu favor unha sección transversal da fuselaxe maior que outros avións de negocios, como o Gulfstream V e o Bombardier Global Express. O Lineage 1000 só é superado en espazo polas conversións do Boeing 737 e do Airbus A319, os BBJ e ACJ.

Produción[editar | editar a fonte]

O Lineage 1000 recibiu a súa certificación da ANAC brasileña e da EASA europea en decembro do 2008. Foi certificado pola FAA estadounidense o 7 de xaneiro do 2009. O primeiro exemplar entregouse a Aamer Abdul Jalil Al Fahim o 7 de maio de 2009.

O avión gañou unha significativa popularidade no Oriente Medio cando varios operadores foron recibindo os seus pedidos do Lineage 1000. Al Jaber Aviation tivo o seu primeiro exemplar en xaneiro do 2010, con catro máis pedidos. Flemming House recibiu o seu Lineage 1000 corporativo en xuño do mesmo ano, e en setembro Royal Jet engadíu unha unidade á súa frota de avións, que xestionaría para Al Habtoor Group. Falcon Aviation Services pedíu un exemplar que sería entregado tamén en 2010.

Fóra de Oriente Medio, o Grupo Omnilife de México recibiría o seu Lineage 1000 en agosto do 2010. Hangar8, unha da operadoras líderes en Europa de avións privados, tivo o primeiro exemplar que non se entregou en Oriente Medio. Airone Aviation Pvt Ltd. de India tamén mercou unha unidade do avión.