Eagles of Death Metal

	Fundación / creación 1998
	Inicio de actividade 1998

Eagles of Death Metal
	Instancia de grupo de rock
	Xénero garage rock; hard rock
	Composto por Josh Homme ; Jesse Hughes
	Selo discográfico Rekords Rekords (pt) ; GUN Records; Downtown Records
Obra
	Discografía Eagles of Death Metal discography (en)
Datas
	Fundación / creación 1998
	Inicio de actividade 1998
Localización
	Lugar de formación Palm Desert
	Lugar de formación Palm Desert
Identificadores
VIAF
VIAF	123566047
ISNI	0000000121056941
Freebase	/m/04m_th
Fontes e ligazóns
	Páxina WEB eaglesofdeathmetal.com
	Redes
	Wikidata C:Commons

Eagles of Death Metal é unha banda estadounidense de garage rock procedente de Palm Desert (California), formada en 1998 por Jesse Hughes e Josh Homme. A pesar de que Hughes é o líder da banda, Homme é o compoñente máis coñecido dos dous por ser o líder de Queens of the Stone Age e membro da desaparecida banda Kyuss. Son os dous únicos membros permanentes do grupo, aínda que Homme raramente toca en directo debido aos compromisos cos seus outros proxectos.

Traxectoria

Eagles of Death Metal formouse en Palm Desert en 1998 e a súa primeira aparición foi en The Desert Sessions Volumes 3 & 4 de Josh Homme, editadas ese ano. Durante os seguintes anos Homme non puido traballar moito na banda debido ao éxito do seu outro grupo, Queens of the Stone Age. Porén, a banda finalmente editou un álbum o 23 de marzo de 2004: Peace, Love, Death Metal.

O álbum de debut tivo un relativo éxito, aparecendo algunhas das súas cancións en varios anuncios de televisión nos Estados Unidos e en tráilers de películas. A primeira canción do álbum, "I Only Want You", apareceu tamén no xogo de PlayStation 2 Gran Turismo 4.

A banda editou o 11 de abril de 2006 o seu segundo álbum. Durante a primeira metade dese ano estiveron xirando como apoio de The Strokes e como cabezas de cartel da súa propia xira coa banda The Giraffes como abreconcertos, ao que seguiron máis datas como abreconcertos para Peaches. Dende entón, tocaron con Joan Jett e saíron de xira con Guns N' Roses. No seu primeiro concerto con Guns N' Roses, en Cleveland, Ohio o 24 de novembro de 2006, a banda non foi ben recibida pola multitude. Cando Axl Rose saíu ao escenario, preguntoulle á multitude se desfrutaran con "The Pigeons of Shit Metal", e dixo que este sería o último concerto que farían con Guns N' Roses.

O 13 de novembro de 2015 tivo lugar un masacre reivindicada por Estado Islámico mentres estaban a dar un concerto diante dunhas 1 500 persoas no teatro Bataclan de París.

A produtora pontevedresa Producciones Mutantes fixo un fanmade da canción God of Thunder (un videoclip de homenaxe), e Jesse Hughes chamounos para acordar facer un traballo xuntos, que se viu atrasado pola pandemia de Covid-19 até o 2023. En xullo de 2023 anunciouse que a estrea mundial do videoclip sería no Teatro Principal pontevedrés.^[1]

Discografía

Álbums

Álbum	Ano	Selo
Peace, Love, Death Metal	2004	AntAcidAudio
Death by Sexy	2006	Downtown Recordings
Heart On	2008	Downtown Recordings
Zipper Down	2015	Downtown Recordings

Notas

↑ Pereiro, Carlos (2023-07-18). "A banda Eagles of Death Metal estreará o seu novo videoclip no Teatro Principal de Pontevedra". Concello de Pontevedra. Consultado o 2023-07-18.

Véxase tamén

Ligazóns externas

[1] Pereiro, Carlos (2023-07-18). "A banda Eagles of Death Metal estreará o seu novo videoclip no Teatro Principal de Pontevedra". Concello de Pontevedra. Consultado o 2023-07-18.

[1]