Dunkin' (coñecido como Dunkin' Coffee en España), chamada anteriormente Dunkin' Donuts, é unha cadea multinacional de franquías de tipo cafetaría especializadas en dónuts, fundada por William Rosenberg en 1950 en Quincy, Massachusetts, nos Estados Unidos.
A oferta principal das cafetarías da marca baséase no café e nos dónuts, as cales se ofrecen en multitude de sabores e con coberturas de cores rechamantes. Co tempo, a marca foi ampliando a súa gama de produtos, chegando a ter a día de hoxe granizados, xeados, refrescos, té, sándwiches, zumes ou aperitivos.
A competencia directa de Dunkin' na maioría dos países xeralmente é Starbucks Coffee.
