Drosofílidos

Na Galipedia, a Wikipedia en galego.
Saltar ata a navegación Saltar á procura
Drosofílidos
Drosophila sp.
Drosophila sp.
Clasificación científica
Reino: Animalia
Filo: Arthropoda
Clase: Insecta
Orde: Diptera
Suborde: Brachycera
Sección: Schizophora
Subsección: Acalyptratae
Superfamilia: Ephydroidea
Familia: Drosophilidae
Róndani, 1856
Subfamilia

Os drosofílidos (Drosophilidae) son unha familia de dípteros (moscas) diversa e cosmopolita, denominadas "moscas da froita" (as moscas doutra familia, a Tephritidae, tamén se denominan moscas da froita, e non se deben confundir con estas). A especie máis coñecida da familia Drosophilidae é Drosophila melanogaster, que se utiliza amplamente como organismo modelo en estudos de xenética, desenvolvemento, fisioloxía, ecoloxía e comportamento. Estas moscas teñen unhas vidas moi curtas e presentan un envellecemento gradual. Identificáronse varios xenes que poden manipularse para ampliar a vida destes insectos.

Importancia económica[editar | editar a fonte]

En xeral estas moscas considéranse unha molestia, pero raramente unha praga, xa que a maioría das especies crían sobre vexetais podres. A especie Zaprionus indianus Gupta é pouco usual entre as Drosophilidae porque é unha praga importante para as colleitas comerciais de figos en Brasil.[1] Outra especie, Drosophila suzukii, infesta froitos de pel fina como framboesas e cereixas e pode ser unha praga agrícola importante.[2] As larvas de Drosophila repleta habitan desaugues e poden espallar bacterias. Estas moscas da froita considéranse en xeral un vector común na propagación de bacterias do ácido acético[3] na natureza, o cal a miúdo estraga o proceso de fermentación alcohólica e pode arruinar o viño e a cervexa ao avinagralos.

Identificación[editar | editar a fonte]

Entre os caracteres diagnósticos das Drosophilidae están a presenza dunha vea subcostal incompleta, dúas interrupcións na vea costal, e unha pequena cela anal na á; sedas postocelares converxentes; e xeralmente tres sedas frontais a cada lado da cabeza, unha dirixida cara adiante e as outras dúas dirixidas cara atrás. Unha lista máis exhaustiva de características para a identificación poden atoparse en "Drosophila: A Guide to Species Identification and Use" de Therese A. Markow and Patrick O'Grady, (Academic Press, 2005) ISBN 0-12-473052-3, ou en "Drosophila: A Laboratory Handbook" de M. Ashburner, K. Golic, S. Hawley, (Cold Spring Harbor Laboratory Press, 2005).

Comportamento[editar | editar a fonte]

Cando estas moscas ven femias de avespas endoparasitoides, pasan a poñer os seus ovos en froitas podres que conteñen alcohol; o cal as protexe de converterse en hóspedes das larvas da avespa, xa que estas teñen unha baixa tolerancia ao alcohol.[4]

Filoxenia[editar | editar a fonte]

Probóscide.
Vista frontal.
Vista lateral.

A familia contén máis de 4.000 especies clasificadas en 75 xéneros. Recentemente, publicouse unha clasificación filoxenética comprensiva dos xéneros baseada tanto en caracteres morfolóxicos coma moleculares.[5]

Notas[editar | editar a fonte]

  1. "Pest Alerts - Zaprionus indianus Gupta, DPI". Florida Department of Agriculture and Consumer Services. Arquivado dende o orixinal o 12 de outubro de 2013. Consultado o 2013-10-05. 
  2. Drosophila suzukii Center of Invasive Species Research
  3. Vinegars of the World. Chapter 5. ISBN 978-88-470-0865-6
  4. Kacsoh BZ; Lynch ZR; Mortimer NT; Schlenke TA (Feb 2013). "fruit flies medicate offspring after seeing parasites". Science 339: 947–950. PMC 3760715. PMID 23430653. doi:10.1126/science.1229625. 
  5. Yassin, Amir (2013) "Phylogenetic classification of the Drosophilidae Rondani (Diptera): the role of morphology in the post-genomic era". Systematic Entomology 38(2): 349-364

Véxase tamén[editar | editar a fonte]

Ligazóns externas[editar | editar a fonte]