Douglas DC-4
| Douglas DC-4 | |
|---|---|
 Douglas DC-4 de Pacific Western Airlines en 1959 | |
| Tipo | pasaxe e transporte |
| Fabricante | Douglas Aircraft Company |
| Primeiro voo | 14 de febreiro de 1942 (serie de produción) |
| Produción | 1942 - 1947 |
| Unidades construídas | 80 DC-4 e 1.163 C-54/R5D |
O Douglas DC-4 é un avión catrimotor de pasaxeiros desenvolvido por Douglas Aircraft Company. Serviu durante a segunda guerra mundial, no bloqueo a Berlín e ata os anos 60 como avión militar. Dende 1945 moitas aeroliñas operárono por todo o mundo.
Deseño[editar | editar a fonte]
Despois de que o DC-4E demostrase ser complicado de manter e pouco rendible, Douglas respostou ás peticións de Eastern e United cun substituto máis pequeno e sinxelo. Antes de que o definitivo DC-4 puidese entrar en servizo, o estoupido da segunda guerra mundial causou que a produción se canalizase cara a Forza Aérea estadounidense, sendo designados os seus avións C-54 Skymaster, mentres que os da Armada se designaron Douglas R5D. O primeiro, un C-54, voou dende Clover Field en Santa Monica o 14 de febreiro de 1942.
O tren de aterraxe en triciclo do DC-4 permitíalle á súa fuselaxe ter unha sección transversal constante na meirande parte da súa lonxitude, polo que puido ser doadamente alongada para os posteriores DC-6 e DC-7. Fabricáronse un total de 1.163 C-54/R5D para as forzas armadas dos Estados Unidos entre 1942 e xaneiro de 1946; 79 DC-4 serían construídos despois da guerra.
