Departamento de Apurímac

Departamento de Apurímac Rexión de Apurímac
Bandeira Escudo
Estado	Perú
Capital	Abancay
• Poboación	51.462 hab. (2007)
Forma de goberno	Gobernos Rexionais do Perú
Presidente	Elías Segovia
Fundación	28 de abril de 1873
Superficie	Posto 20º
• Total	20 895,79 km²
Costas	0 km
Poboación	Posto 18º
• Total	404 190 (2007) hab.
• Densidade	19,3 hab./km²
Xentilicio	Apurimeño
Fuso horario	UTC-5
Dominio de Internet	.pe
Prefixo telefónico	51-83
Código ISO	APU
UBIGEO: 03 www.regionapurimac.gob.pe

Apurímac é unha das 25 rexións do Perú. A súa capital é a cidade de Abancay.

Áchase na serra sur do país, na vertente oriental da Cordilleira dos Andes. Esta rexión ten unha superficie de 20,9 mil km² e o seu territorio é un dos máis escarpados do Perú. É mollado de norte a sur por varios ríos a través de profundos canóns até a súa unión co río Apurímac nunha das profundidades maiores da rexión.

Orixe do nome

O nome Apurímac provén do río homónimo que discorre polo seu límite oriental e setentrional. En quechua Apu Rimaq significa «o que fala cos señores [deuses]» ou «oráculo maior»."

Xeografía

Apurímac está situado no sector sueste dos Andes centrais. Limita polo norte cos departamentos de Ayacucho e de Cuzco; polo sur con Arequipa; polo leste co departamento de Cuzco; e polo oeste co departamento de Ayacucho. A altitude media da rexión é de 2 900 msnm.

Clima

Maiormente temperado, cunha temperatura media de 15 °C nos vales. Raramente neva.

Accidentes xeográficos

• Ríos: Apurímac, Santo Tomás, Chumbao, Pachachaca e Pampas
• Lagoas: Hiullita en Chuquibambilla, Pacucha en Andahuaylas, Uspaccocha e Ankascocha en Abancay
• Abras: Piste (a 4.800  msnm) en Aymaraes e Antabamba; Tunapita (a 4.350 msnm) en Aymaraes; Tablacruz (a 4.340 msnm) en Abancay.
• Pongos: Apurímac (a 1.500 msnm) en Abancay e La Convención.
• Nevados: Chancohuana Chico (5.331 msnm) e Tetón (5.300 msnm).

Provincias (capital)

1. Abancay (Abancay)
2. Andahuaylas (Andahuaylas)
3. Antabamba (Antabamba)
4. Aymaraes (Chalhuanca)
5. Chincheros (Chincheros)
6. Cotabambas (Tambobamba)
7. Grau (Chuquibambilla)

Departamento de Apurímac.