Democracia Galega
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2023.) |
Democracia Galega foi un partido de centro galeguista fundado en 1997, que permaneceu cinco anos no panorama político galego. Ocupou o quinto posto entre as forzas a nivel autonómico, e o cuarto a nivel municipal. Estivo presidida por Enrique Marfany.
Democracia Galega acadou nas eleccións municipais de 1999 o goberno municipal de Ordes e Touro (os dous na provincia da Coruña), así como concelleiros no Corgo, Friol e A Pobra do Brollón en Lugo, Agolada en Pontevedra, e en Melide e Boimorto na Coruña.
O declive do partido comezou tralos resultados das eleccións autonómicas de 2001 cando perderon o 40,9% do seu electorado, pasando de 17.000 votos a case 7.000.
O 2 de xullo de 2002 anunciou a súa disolución como partido e a dirección pediu aos seus militantes que se integrasen no Partido Popular de Galicia. O documento de desaparición final como formación política asinouse o 5 de xullo de 2002.