Danijela Štajnfeld

Na Galipedia, a Wikipedia en galego.
Saltar ata a navegación Saltar á procura
Danijela Štajnfeld
Nacemento1984
 Ruski Krstur
NacionalidadeSerbia
Alma máterUniversity of Arts in Belgrade
Ocupaciónactriz
editar datos en Wikidata ]

Danijela Štajnfeld, nada en Ruski Krstur en 1984 é unha actriz e directora de cinema serbia.

Traxectoria[editar | editar a fonte]

De pai xudeu e nai rutena, naceu na capital cultural dos rutenos de Voivodina e o ruteno foi a súa lingua materna[1], e ademais de serbio fala hebreo[2] e inglés. Estudou na facultade de arte dramática de Belgrado e diplomouse en 2008 na clase do profesor Dragan Petrović. Traballou no teatro e xa antes de se graduar debutou no cinema cun pequeno papel en 2005 no filme Mi nismo anđeli 2 e tamén nese ano apareceu cun papel máis relevante en Ivkova slava. En 2007 protagonizou con Milan Vasić a serie de televisión Ono naše što nekad bejaše e seguiu a traballar principalmente na televisión ata que no ano 2015 protagonizou o thriller albano-americano, Cash Only. Residente nos Estados Unidos[3] en 2020 dirixiu o documental producido por Mike Lerner Hold me right sobre o impacto de violacións e agresións sexuais en vítimas e agresores na época do movemento #metoo, a mesma Danijela afirmou que fora tamén vítima de agresión sexual por parte dunha coñecida figura da industria fílmica do seu país e fora a razón pola que deixara Serbia [4].

Notas[editar | editar a fonte]