Dacriocistite

Na Galipedia, a Wikipedia en galego.
Saltar ata a navegación Saltar á procura
Dacriocistite
Clasificación e recursos externos
DiseasesDB3432
Aviso médico.
Advertencia: A Wikipedia non dá consellos médicos.
Se cre que pode requirir tratamento, por favor, consúltello ao médico.

A dacriocistite é a inflamación do saco lacrimal. Reflúe o contido lacrimal por unha obstrución das vías lacrimais. Hai 3 presentacións:

  • Dacriocistite aguda: cursa con inflamación e moita dor. Hai que tratalas rapidamente pola súa proximidade coa vea angular. Adóitanse producir en persoas cunha base hixiénica deficiente.
  • Dacrioscistite crónica: lacrimación continua e ollos vermellos.
  • Dacriocistite do novo nado: producida por algunha infección xa sexa pola nai ou adquirida no momento do parto.

Etioloxía[editar | editar a fonte]

Existen múltiples causas que poden provocar dacriocistites. A maioría delas corresponde á obstrución do conduto nasolacrimal, o que provoca predisposición á infección por sobrecrecemento bacteriano. Dentro dos axentes máis frecuentes atópanse Staphylococcus aureus, Streptococcus pneumoniae, BGN e Pseudomonas aeruginosa. En ocasións, particularmente en mulleres, pódese desenvolver a formación de microcálculos a nivel da glándula o que provoca dacriocistites de repetición. Nos nados novos, a presenza de dacriocistite ocorre principalmente debido á obstrución conxénita da vía lacrimal, principalmente a nivel postsacular nas válvulas de Hasner.[1]

Cadro clínico[editar | editar a fonte]

O cadro clínico caracterízase pola presenza de epífora, xeralmente unilateral, ademais de dor e aumento de volume a nivel medial do ollo na cara lateral do nariz.

Tratamento[editar | editar a fonte]

O tratamento baséase principalmente na masaxe e calor local a nivel da lesión, ademais de antibióticos sistémicos con cobertura para Stafiloccoco polo menos durante 14 días. En pacientes onde se investigue a presenza da obstrución post sacular, pódese realizar unha sondaxe ou en casos máis severos, unha dacriocistorrinostomía, a cal queda en mans de oftalmólogos ou otorrinolaringólogos.

Complicacións[editar | editar a fonte]

Notas[editar | editar a fonte]

  1. "Wayback Machine" (PDF). web.archive.org. 26 de maio de 2013. Consultado o 20 de novembro de 2021.