Dólar de prata do presidente do Tribunal Supremo John Marshall
| Dólar de prata do presidente do Tribunal Supremo John Marshall | |
|---|---|
 | |
| A/: Retrato de John Marshall cara á esquerda. Data; marcas de ceca (P) e de gravador (JM).
Lendas: CHIEF JUSTICE UNITED STATES SURPREME COURT 1801-1835 / JOHN MARSHALL / LIBERTY / IN GOD WE TRUST |
R/: Antiga sala do Tribunal Supremo dos EEUU. Marca de gravador (DW).
Lenda: E PLURIBUS UNUM / ONE DOLLAR / UNITED STATES OF AMERICA |
| |
O dólar de prata do presidente do Tribunal Supremo John Marshall é unha moeda conmemorativa, non circulante, emitida pola Casa da Moeda dos Estados Unidos en 2005 e cuñada pola Ceca de Filadelfia.
Esta moeda dun dólar foi autorizada pola Lei 108-290, do 6 de agosto de 2004,[1] pola que se creaba unha moeda conmemorativa do 250º aniversario do nacemento de John Marshall (1755-1835), que foi presidente do Tribunal Supremo dos Estados Unidos (Chief Justice), e coa que tamén se pretendía recoñecer a importancia do Poder Xudicial nese país.[2]
Deseño[editar | editar a fonte]
A Casa da Moeda dos Estados Unidos anunciou en febreiro os deseños desta moeda conmemorativa.[3]
No anverso da moeda, deseñado e gravado por John Mercanti, reprodúcese o retrato de perfil de John Marshall, baseado nun cadro realizado en 1808 polo retratista francés Charles Balthazar Julien Févret de Saint-Mémin, con lendas lendas alusivas ao seu período como cuarto presidente do Tribunal supremo dos Estados Unidos: 1801-1835.[3][4]
Pola súa banda, o reverso representa unha vista interior da antiga sala do Tribunal Supremo dos Estados Unidos, no Capitolio, en Washington.[3][4]
Produción e comercialización[editar | editar a fonte]
A lei que autorizou a emisión destas moedas conmemorativas prevía unha tiraxe máxina de 400.000 exemplares. A moeda produciuse na Casa da Moeda de Filadelfia e estivo dispoñible para a súa adquisición por parte da poboación desde partir do 25 de abril de 2005.[2][4][6]
A súa produción foi de 67.096 dólares na súa condición estándar e 196.753 con acabamento especial (proof), o que fai un total de 263.849 exemplares, lonxe da tiraxe máxima autorizada.[7]
A moeda comercializouse aos prezos de 35 dólares en condición estándar e 39 en condición proof, e o beneficio conseguido coa súa venda destinouse á Sociedade Histórica do Tribunal Supremo (Supreme Court Historical Society).[2][4]
Notas[editar | editar a fonte]
- ↑ "Public Law 108-290 - AUG. 6, 2004". Govinfo.gov
- ↑ 2,0 2,1 2,2 "Chief Justice John Marshall Silver Dollar". United States Mint.
- ↑ 3,0 3,1 3,2 "United States Mint Releases Designs for Chief Justice John Marshall Silver Dollar". United States Mint.
- ↑ 4,0 4,1 4,2 4,3 "1 Dollar Chief Justice John Marshall". Numista.com
- ↑ "John Marshall, head-and-shoulders portrait, right profile". Library of Congress.
- ↑ "John Marshall Commemorative Silver Dollar Available April 25". United States Mint. 13 de abril de 2005.
- ↑ "Historical Commemorative Coin Sales Figures: 2005 Chief Justice John Marshall Silver Dollar". United States Mint.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- "2005 John Marshall Silver Dollar" (ModernCommemoratives.com)