Crocosmia x crocosmiiflora

Crocosmia × crocosmiiflora é unha especie fanerógama do xénero Crocosmia, pertencente á familia Iridaceae.

É unha especie pouco común, naturalizada ao longo de camiños, a unha altitude de 1000–1480 metros; maleza amplamente distribuída en Centroamérica, introducida desde Suráfrica. Este é un híbrido desenvolvido do cruzamento entre Crocosmia pottsii (McNab ex Baker) N.E. Br. e Crocosmia aurea (Pappe ex Hook. f.) Planch. En Galicia está considerada como especie invasora.

Vista da planta.

Flor.

Detalle.

Descrición

Son plantas que alcanzan un tamaño de 25–50 cm de alto. As follas linear-lanceoladas, de 30–50 cm de longo e 0.8–2 cm de ancho. Talo florífero ramificado, lixeiramente flexuoso, arqueado horizontalmente, espigas varias; brácteas de 6–10 mm de longo, flores alaranxadas, tubo do perianto lixeiramente encorvado, de 10–15 mm de longo; tépalos subiguais, lanceolados, 15–25 mm de longo e 6–9 mm de ancho, patentes; filamentos 15–22 mm de longo, anteras 6–8 mm de ancho. O froito é unha cápsula até 7 mm de longo e 9 mm de ancho; sementes xeralmente non viables.

Taxonomía

O xénero foi descrito por (Lemoine) N.E.Br. e publicado en Transactions of the Royal Society of South Africa 20(3): 264. 1932.

Etimoloxía

Crocosmia: nome xenérico que deriva das palabras gregas: "krokos" que quere dicir azafrán, e "osme", que significa "cheirar". O por que do nome explícase cando se mergullan en auga quente follas secas desta planta, xa que estas emiten un forte cheiro similar ao do azafrán.

Sinonimia

• Crocosmia × latifolia N.E.Br.
• Montbretia × crocosmiiflora Lemoine
• Tritonia × crocosmiiflora (Lemoine) G.Nicholson

Véxase tamén

Ligazóns externas

• Ficha en The Plant List (en inglés)
• Ficha en IPNI (International Plant Names Index) (en inglés)