Cristina Almeida

Na Galipedia, a Wikipedia en galego.
Saltar ata a navegación Saltar á procura
Cristina Almeida
Cristina Almeida.JPG
Nacemento24 de xullo de 1944
 Badaxoz
NacionalidadeEspaña
Alma máterUniversidade Complutense de Madrid
Ocupaciónpolítica e avogada
editar datos en Wikidata ]

María Cristina Almeida Castro, nada en Badaxoz o 24 de xullo de 1945, é unha avogada e política española.

Traxectoria[editar | editar a fonte]

Cursou estudos de Dereito na Universidade de Madrid. Destacada avogada laboralista e feminista, defendeu perante os tribunais de xustiza os dereitos da muller, dos traballadores e dos presos políticos durante o franquismo.

A partir de 1979, desempeñou o cargo de concelleira en Madrid polo Partido Comunista de España, ao que pertencía desde 1963, ata que en 1981 foi expulsada xunto a outros membros do sector renovador, ao enfrontarse ao entón secretario xeral Santiago Carrillo.[Cómpre referencia]

Participou na fundación da coalición electoral Izquierda Unida en 1986, saíu elixida deputada en 1986, 1989 e 1993, ano no que renunciou ó seu escano. En 1997, xunto cos outros membros da corrente Nueva Izquierda de IU, formou o Partido Democrático de la Nueva Izquierda con Diego López Garrido. Tras diversos enfrontamentos co dirixente de IU, Julio Anguita, o PDNI integrouse no PSOE, e Cristina Almeida foi candidata socialista á Presidencia da Comunidade de Madrid en 1999, obtendo o 37,2 % dos votos e sendo elixida deputada.

Colaborou en numerosas revistas sobre problemas xurídicos, da muller, dos barrios e das asociacións de veciños. Entre as súas publicacións, figura o ensaio La mujer y el mundo del trabajo (1982).