Corpo Nacional de Policía

Na Galipedia, a Wikipedia en galego.
Emblema do Corpo Nacional de Policía

O Corpo Nacional de Policía de España (CNP, en castelán: Cuerpo Nacional de Policía) é un instituto armado de natureza civil dependente do Ministerio do Interior.

O Corpo Nacional de Policía, coa súa estrutura e denominación actual ten a súa orixe directa na Constitución de 1978, onde se lle consagran dúas misións básicas: «protexer o libre exercicio dos dereitos e liberdades e garantir a Seguridade Cidadá».

A partir deste mandato Constitucional, o 13 de marzo de 1986 promulgouse a Lei Orgánica de Forzas e Corpos de Seguridade (Lei Orgánica 2/1986) que unificaba os Corpos de Policía Nacional e Corpo Superior de Policía no actual Corpo Nacional de Policía. Eran dous corpos de natureza moi distinta, pois o corpo superior dedicábase á investigación, fronte ao outro corpo, que era fundamentalmente un corpo policial de orde pública. Así pois no Corpo Nacional de Policía integráronse os funcionarios dos Corpos Superior de Policía e de Policía Nacional, que quedaron extinguidos.

As competencias do Corpo Nacional de Policía varían segundo as comunidades autónomas, debido a asunción dalgunhas súas e da Garda Civil por parte dos Mossos d'Esquadra en Cataluña, a Ertzaintza no País Vasco, a Policía Foral en Navarra e a Policía Canaria en Canarias. En Andalucía, Aragón, Asturias, Galicia e a Comunidade Valenciana hai unidades da Policía Nacional que actúan directa e funcionalmente baixo as ordes das comunidades autónomas ás que están adscritas.[Cómpre referencia]

Véxase tamén[editar | editar a fonte]

Ligazóns externas[editar | editar a fonte]