Policía Canaria
| Policía Canaria | |
|---|---|
 | |
| Tipo | Policía autonómica |
| Data de fundación | 2008 |
| En | Illas Canarias |
| País | España |
| 28°06′41″N 15°27′24″O / 28.11131, -15.45655 | |
| Na rede | |
| https://www.gobiernodecanarias.org/seguridad/cgpoliciacanaria/ | |
| [ editar datos en Wikidata ] | |
A Policía Canaria ou Corpo Xeral da Policía Canaria (CGPC, en castelán: Cuerpo General de la Policía Canaria) é a policía autonómica das Canarias.[1] Creouse en 2010 sendo presidente do Goberno Canario Paulino Rivero.
Cen axentes -92 homes e 8 mulleres-, integraron a primeira promoción da Policía Canaria nun acto de presentación celebrado o 30 de xuño de 2010 na Academia Canaria de Seguridade de Santa Cruz de Tenerife; o presidente autonómico manifestou que ese só era o primeiro paso dun despregamento que deberá chegar aos 1.700 axentes en varias fases.
A súa primeira misión produciuse con motivo da celebración da Baixada da Virxe das Neves, na illa de La Palma.
Competencias
[editar | editar a fonte]De acordo coa Lei do Corpo Xeral da Policía Canaria, aprobada o 28 de maio de 2008 polo Parlamento das Canarias, entre as funcións deste corpo policial inclúese a vixilancia e protección de persoas, órganos e edificios, establecementos e dependencias da comunidade autónoma e dos seus entes instrumentais, e velar polo cumprimento das disposicións e ordes singulares ditadas polos órganos da comunidade, entre outras.
