Constantino Armesto Cobián

Na Galipedia, a Wikipedia en galego.
Constantino Armesto Cobián
Constantino Armesto Cobián.jpg
Nacemento 1823
Lugar Pontevedra, Galicia Galicia
Falecemento 28 de decembro de 1899
Lugar Madrid
Nacionalidade España
Ocupación Xornalista e político
editar datos en Wikidata ]

Constantino Armesto Cobián, nado en Pontevedra en 1823 e finado en Madrid o 28 de decembro de 1899[1], foi un xornalista e político galego.

Traxectoria[editar | editar a fonte]

Fundou La Revista, un dos primeiros periódicos de Pontevedra e, en 1859, El Propagandista, periódico republicano federal. Foi colaborador de El Progreso, La Voz del Pueblo e El Derecho. Fundou o Partido Republicano de Pontevedra. Trasladouse a Madrid, onde escribiu en La Democracia, El Crédito, La Discusión e traballou como redactor de La Capital de Pi i Margall. Tomou parte activa nos sucesos da Revolución de 1868, que deron lugar ao Sexenio Democrático. Despois militou no Partido Liberal e foi de gobernador civil de Ourense, Xirona (1874), Guipúscoa, Lugo (1881), Alacant (1886) e Córdoba (1888). Foi elixido deputado polo distrito de Ponteareas en 1872 e volveu ser elixido polo mesmo distrito en 1881, aínda que o 9 de abril de 1883 foi anulada a elección por sentenza do Tribunal de actas graves.

Asinou co sobrenome "El lindo don Diego".

Era tío de Indalecio Armesto e avó de Víctor Said Armesto.


Predecesor:
Vicente de Fuenmayor
 Escut de la provincia de Girona.svg
Gobernador civil de Xirona
 
1874
Sucesor:
Constancio Gambel Aybar

Notas[editar | editar a fonte]

  1. Necrolóxica en El Áncora, 18-1-1901, p. 3.

Véxase tamén[editar | editar a fonte]

Ligazóns externas[editar | editar a fonte]