Concello de Hudiksvall

Concello de Hudiksvall

Brasón
Localización
61°44′00″N 17°07′00″L
Estado	Suecia
Condado	condado de Gävleborg
Capital	Hudiksvall
Poboación
Poboación	37.341 (2025) (8,25 hab./km²)
Xeografía
Parte de	Hälsingland Q61663374
Superficie	4.524,18 km²
Comparte fronteira con	Nordanstig Bollnäs (municipio) Concello de Ljusdal Concello de Söderhamn
Datos históricos
Precedido por	Q10430434 , Q10468282 , Q10498073 , Hudiksvall Town (en) e Q10534241
Creación	1 de xaneiro de 1971
Organización política
• Chairman of the municipal board in Hudiksvall Municipality, Sweden (en)	Q133463309 (1997–2010) Caroline Schmidt (en) (2010–2014) Mikael Löthstam (2015–)
Outro
Irmandado con	Kaskinen Namsos (en) Maribo Namsos
Sitio web	hudiksvall.se

Hudiksvall é un municipio sueco (kommun) do condado de Gävleborg. A súa capital é Hudiksvall. No ano 2024 o concello tiña unha poboación de 37 528 habitantes.

A costa é accidentada con promontorios escarpados e saíntes. A área de Dellen cos lagos Dellen formouse despois do impacto dun meteorito hai aproximadamente 220-250 millóns de anos. Alí atópase tamén unha das zonas agrícolas máis grandes do concello. A través de Hudiksvall flúe o río Svågan. No sueste do municipio atópanse zonas húmidas con turbeiras en diversas fases de desenvolvemento.

O concello ten unha longa tradición de uso das vías de auga e os bosques da zona. No entanto, a principios da década de 2020 o sector servizos asumiu o relevo como o sector de maior importancia para a economía local.

Administración histórica

A área do concello correspóndese coa das parroquias de Bjuråker, Delsbo, Enånger, Forsa, Hälsingtuna, Hög, Idenor, Nianfors, Njutånger, Norrbo e Rogsta. Nestas fundáronse concellos rurais co mesmo nome durante a reforma municipal de 1862, aínda que o de Nianfors fundouse un pouco máis tarde, en 1869. Na zona tamén estaba a cidade de Hudiksvall que dende 1582 ata 1863 creou unha cidade municipal (stadskommun).

Na área esableceuse o 23 de novembro de 1906 a localidade municipal de Åvik que foi disolta a finais do ano 1910 cando partes dos concellos rurais de Hälsingtuna e Idenor (incluída a área da localizade municipal) fusionáronse coa cidade de Hudiksvall.

Coa reforma municipal de 1952 o resto de Idenor incorporouse a Hudiksvall, e ao mesmo tempo fundáronse os seguintes grandes concellos: Hälsingtuna (a partir dos concellos de Hälsingtuna e Rogsta), Njutånger (de Nianfors e Njutånger), Enånger (sen cambios), Delsbo (sen cambios), Bjuråker (de Bjuråker e Norrbo) e Forsa (de Forsa e Hög).

En 1963 fundouse o municipio rural de Iggesund a partir dos de Enånger e Njutånger. En 1965 o concello rural de Hälsingtuna incorporouse á cidade de Hudiksvall. O concello de Hudiksvall naceo coa reforma municipal de 1971 a partir da cidade de Hudiksvall e dos concellos rurais de Bjuråker, Delsbo, Forsa e Iggesund.

Entre 1987 e 2007 o concello dividiuse nas áreas de goberno local de Iggesund, Dellenbygden, Forsa e Hudiksvall. En 1996 estableceuse tamén även o Svågadalsnämnden, que é un intento de democracia local nas zonas rurais do noroeste do concello. O Svågadalsnämnden aínda existe.

O concello Kommunen pertence dende a súa fundación ao partido xudicial de Hudiksvall.

Xeografía

O municipio atópase no nordés do landskap de Hälsingland, co golfo de Botnia ao leste. Ao sur limita co concello de Söderhamn, ao suroeste co de Bollnäs, ao oeste co de Ljusdal e ao norte co de Nordanstig, todos no condado de Gävleborg.

Topografía e hidrografía

A dirección do leito rochoso fixo que os vales e alturas teñan unha orientación noroeste-sueste, o que ocorre en moitos concellos de Norrland. Porén, a costa entre Hudiksvall e Enånger ten unha orientación leste-oeste con promontorios escarpados e saíntes. Hai uns 220-250 millóns de anos un meteorito caiu en Hudiksvall e formou a área que se atopa ao redor dos lagos Dellen. Agora é unha conca de 22 km de diámetro cos lagos Dellen no medio.