Comunidade de África Oriental
| Localización | ||||
|---|---|---|---|---|
| ||||
| Poboación | ||||
| Lingua oficial | lingua inglesa Lingua suahili lingua francesa  | |||
| Creación | 7 de xullo de 2000 | |||
| Organización política | ||||
| Membro de | ||||
| Páxina web | eac.int | |||
    | ||||
A Comunidade de África Oriental (CAO, en inglés: East African Community, EAC) é unha unión aduaneira de África Oriental, formada por Kenya, Uganda, Tanzania, Burundi, Ruanda e Sudán do Sur.
Os seis países que integran a Comunidade de África Oriental acordaron adoptar unha moeda única que abranguería 135 millóns de persoas.[1] A CAO é un dos piares da Comunidade Económica Africana. Ten unha unión aduaneira dende 2005 e un mercado común dende 2010.[2]
Historia[editar | editar a fonte]
A CAO fundouse o 7 de xullo de 2000.[3] nunha cerimonia celebrada na cidade de Arusha (Tanzania), en que se localiza a súa sede, reavivando un proxecto similar abandonado en 1977. O novo tratado EAC creaba o camiño cara a unha unión económica e, nun futuro, política entre os tres países iniciais. Un tratado posterior, asinado en marzo de 2004 estableceu unha unión aduaneira que comezou o 1 de xaneiro de 2005. Segundo o tratado, Kenya, o máis rico dos tres países iniciais, ía pagar aranceis polas mercadorías que entrasen en Uganda e Tanzania ata 2010.
Burundi e Ruanda incorporáronse o 6 de xullo de 2009,[4] e Sudán do Sur o 5 de setembro de 2016.[5][6]
En xaneiro de 2023, a Comunidade de África Oriental (EAC) planea emitir unha moeda única nos próximos catro anos. O Consello de Ministros da organización debe decidir sobre a localización do Instituto Monetario de África Oriental e o establecemento dunha folla de ruta para a emisión da moeda única.[7]
Pasaporte común[editar | editar a fonte]
O pasaporte de África Oriental lanzouse oficialmente o 1 de abril de 1999[8] para facilitar atravesar fronteiras entre estes países africanos[9][10] e dá dereito a kenyanos, tanzanos e ugandeses a unha estadía de seis meses renovábeis en calquera destes países.[9]
O pasaporte expídese nas sedes dos respectivos Departamentos de Inmigración en Nairobi, Kampala e Dar es Salaam.[9][10] Custa o equivalente a 10 dólares estadounidenses[10] e as solicitudes tardan en tramitarse de dúas a tres semanas. A pesar de que o pasaporte só é válido dentro da CAO, preténdese internacionalizalo con outros países da África Oriental.
Notas[editar | editar a fonte]
- ↑ "East African trade bloc approves monetary union deal". Reuters. 30 de novembro de 2013.
- ↑ El Mundo
- ↑ "East African Community – Quick Facts". Eac.int. Arquivado dende o orixinal o 19 de marzo de 2009. Consultado o 2010-07-01.
- ↑ "EAC Update E-newsletter". www.eac.int. Directorate of Corporate Communications and Public Affairs. Arquivado dende o orixinal o 26 de abril de 2012. Consultado o 10 de decembro de 2011.
- ↑ "Germany Ambassador pays courtesy call on EAC Secretary General". East African Community. 2016-05-09. Arquivado dende o orixinal o 24 de xuño de 2016. Consultado o 2016-06-01.
- ↑ "Republic of South Sudan deposits Instruments of Ratification on the accession of the Treaty for the establishment of the East African Community to the Secretary General". East African Community. 2016-09-05. Arquivado dende o orixinal o 11 de setembro de 2016. Consultado o 2016-09-05.
- ↑ [1]
- ↑ "East African Community (EAC)". Africa-union.org. Arquivado dende o orixinal o 30 de xuño de 2010. Consultado o 2010-07-01.
- ↑ 9,0 9,1 9,2 "Ministers Sign Memorandum of Understanding". EAC News ... Arquivado dende o orixinal o 2007-09-28.
- ↑ 10,0 10,1 10,2 "Travelling in East Africa". Arquivado dende o orixinal o 2008-05-11.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Comunidade de África Oriental  |
