Club de París
![](http://upload.wikimedia.org/wikipedia/commons/thumb/2/2e/Map_of_Paris_Club.png/300px-Map_of_Paris_Club.png)
O Club de París, é un foro informal de acredores oficiais e países debedores. A súa función é coordinar formas de pago e renegociación de débedas externas dos países e institucións de empréstito. Creouse en 1956 cando Arxentina estivo de acordo en efectuar un encontro cos seus acredores públicos. Acordo concluído o 16 de maio.
As reunións efectúanse en París de 10 a 11 veces ao ano entre sesións de renegociación, análises de débeda ou aspectos metodolóxicos. O Presidente das sesións é un alto funcionario de dirección da Tesourería de Francia. O Copresidente e Vicepresidente son tamén funcionarios da Tesourería de Francia.
Ata o ano 2007 celebráronse 399 acordos con 84 países debedores.
Malia ser un grupo informal ten os seguintes principios:
- As decisións tómanse caso a caso, de acordo á situación do país debedor.
- As decisións son tomadas por consenso entre os países acredores.
- É condicional, trátase só con países que necesitan reestruturar a súa débeda e implementan reformas para resolver problemas de pago. Na práctica isto significa que debe haber un empréstito ou programa de reprogramación previamente aprobado por FMI.
- Solidariedade, os acredores están de acordo en implantar os térmos de acordo.
- Igualdade de tratamento entre os acredores. Ningún país debedor pode dar un tratamento desfavorable a outro acredor co cal chegara a un consenso no Club de París.
Intégrase de xeito permanente polos seguintes países acredores: Alemaña, Australia, Austria, Bélxica, Canadá, Dinamarca, EUA, España, Finlandia, Francia, Irlanda, Italia, Xapón, Noruega, Rusia, Países Baixos, Reino Unido, Suecia, e Suíza.
Participaron nalgún momento como debedores: Abu Dabi, Arxentina, Brasil, Corea do Sur, Israel, Angola,Kuwait, Marrocos, México, Nova Zelandia, Portugal, Trinidad e Tobago e Turquía.