Club Béisbol Cambre
O Club Béisbol Cambre é unha entidade deportiva galega adicada ó béisbol que ten a súa base no concello de Cambre. O equipo xoga os seus partidos como local no Campo de béisbol de Acea de Ama, no Burgo (Culleredo).
Historia[editar | editar a fonte]
O club naceu na Coruña en 1990 co nome Águilas del Atlántico e competiu na primeira edición da Liga Xunta de Galicia de Béisbol nese ano 1990, acadando o subcampionato. No ano 1994 produciuse a fusión entre o Águilas del Atlántico e o club Marineros, tamén da Coruña, pasando a chamarse o novo equipo Béisbol Coruña. En 2001 o club trasládase ó concello de Cambre e troca o seu nome por Club Béisbol Cambre. Nos seus 20 anos de historia este equipo gañou en 8 ocasións a Liga Xunta de Galicia de Béisbol (nos anos 1994, 1999, 2004, 2006, 2007, 2008, 2009 e 2010), sendo por iso o club máis laureado do béisbol galego. Non obstante, na tempada 2011 o equipo foi eliminado polo Lume Béisbol Club e non tivo a oportunidade de loitar polo título de liga na final por vez primeira en moitos anos.