Cleopatra a Alquimista
| Cleopatra a Alquimista | |
|---|---|
 | |
| Nacemento | post. século IIIxuliano |
| Falecemento | valor descoñecido |
| Ocupación | filósofa e alquimista |
| [ editar datos en Wikidata ] | |
Cleopatra a Alquimista foi unha alquimista e escritora do Exipto romano .
Traxectoria[editar | editar a fonte]
Descoñécense as datas do seu nacemento e morte, pero sitúase en Alexandría entre os séculos III e IV . Cleopatra era o seu pseudónimo e non se trata de Cleopatra VII, aínda que nalgunhas obras posteriores se refire a ela como Cleopatra: Queen of Egypt . Así aparece, por exemplo, na Basillica Philosophica de Johann Daniel Mylius (1618), onde se representa a súa imaxe xunto co lema: "O divino está oculto ao pobo pola sabedoría do Señor".[1] Ademais, Cleopatra utilizouse como personaxe nos diálogos dos textos alquímicos.
Alquimia[editar | editar a fonte]
Cleopatra foi unha das fundadoras da alquimia, precedente a Zósimo de Panópole . É mencionada por Michael Maier como unha das catro mulleres que souberon obter a Pedra Filosofal, xunto a María a Xudía, Medera e Taphnutia.[2] Cleopatra menciónase con gran respecto na enciclopedia árabe Kitab al-Fihrist de 988.
Cleopatra é coñecida polo seu manuscrito Chrysopoeia (Fabricación de ouro), que contén moitos emblemas usados e desenvolvidos máis tarde polas filosofías gnósticas e herméticas . Nesta obra aparece por primeira vez o ouroboros, a serpe que traga a súa propia cola símbolo do ciclo eterno; ademais da estrela de oito puntas. A obra tamén contén diversas descricións e debuxos dos procesos técnicos do forno de fundición ou destilación . Algúns atribúenlle a invención do alambique .[3]
Notas[editar | editar a fonte]
- ↑ Stanislas Klossowski de Rola. The Golden Game: Alchemical Engravings of the Seventeenth Century. 1988. p. 150.
- ↑ Raphael Patai. The Jewish Alchemists: A History and Source Book. p.78
- ↑ Stanton J. Linden. The alchemy reader: from Hermes Trismegistus to Isaac Newton Cambridge University Press. 2003. p.44
Véxase tamén[editar | editar a fonte]
Bibliografía[editar | editar a fonte]
- Stanton J. Linden. O lector de alquimia: de Hermes Trismegistus a Isaac Newton Cambridge University Press. (2003)
- Jennifer S. Uglow. The Macmillan Dictionary of Women's Biography (1982)