Ciudad del Este
Táva Kuarahyresẽme (gn)  | |||||
| |||||
| Epónimo | leste | ||||
|---|---|---|---|---|---|
| Localización | |||||
| |||||
| Estado | Paraguai | ||||
| Departamentos | Alto Paraná | ||||
Distrito (pt)  | Ciudad del Este (en) | ||||
| Capital de | |||||
| Poboación | |||||
| Poboación | 340.000 (2024) (2.281,88 hab./km²) | ||||
| Lingua oficial | lingua castelá lingua guaraní | ||||
| Xeografía | |||||
| Parte de | |||||
| Superficie | 149 km² | ||||
| Bañado por | Río Paraná | ||||
| Altitude | 185 m | ||||
| Creación | 3 de febreiro de 1957 | ||||
| Santo padrón | Brais de Sebaste | ||||
| Organización política | |||||
| Órgano executivo | cabinet of Ciudad del Este (en) | ||||
| Órgano lexislativo | Municipal Board of Ciudad del Este (en) Circunscrición: 0, (Escano: 9) | ||||
| Identificador descritivo | |||||
| Código postal | 100101 – 100185 | ||||
| Fuso horario | |||||
| Prefixo telefónico | 061 | ||||
| Páxina web | mcde.gov.py | ||||
.png)
.png)
Ciudad del Este é unha cidade do extremo leste de Paraguai, capital do departamento de Alto Paraná, situada a 327 km da capital do país, Asunción.
Pola súa poboación e desenvolvemento económico, é a segunda maior cidade de Paraguai, con 312 652 habitantes; a súa área metropolitana ten máis de 800 000 habitantes se se inclúe a cidade de Foz do Iguaçu e máis de 500 000 contando só os que viven no departamento.
Forma parte da chamada zona da Tríplice Fronteira, pois o territorio paraguaio ten contacto co brasileiro na Foz do Iguaçu, e co arxentino en Puerto Iguazú.
É chamada "Cidade Xardín" pola vexetación nas áreas urbanas, aínda que o crecemento da cidade está a diminuír as súas zonas verdes.
Historia
[editar | editar a fonte]Foi fundada por decreto o 3 de febreiro de 1957, co nome de "Puerto Flor de Lis". Este nome cambiouse a Puerto Presidente Stroessner, en homenaxe ao ditador Alfredo Stroessner, ata que foi derrocado no golpe de Estado do 3 de febreiro de 1989.
Xeografía
[editar | editar a fonte]Diante dela está a cidade brasileira de Foz do Iguaçu; ambas as dúas están ligadas pola Ponte da Amizade, que foi inaugurado en dúas fases, a primeira en 1961, cando atravesou dun lado ao outro e a final en 1965.
Clima
[editar | editar a fonte]O clima de Ciudad del Este é subtropical húmido. A temperatura media anual é de 22 °C. A precipitación media anual é abundante, con preto de 1850 mm.
O verán é quente, cunha media en xaneiro de 27 °C. A alta humidade xeralmente volve a calor sufocante. O inverno é frío, cunha temperatura media de xullo de 17 °C. As temperaturas máis extremas chegan raramente a 1 °C ou superan os 38 °C.
Días anubrados son máis comúns no inverno, mais a choiva é máis habitual no verán, cando por veces estalan tormentas moi fortes, de xeito que caen grandes cantidades de auga nun curto espazo de tempo. No inverno son débiles, pero o orballo é común. Polo tanto, non se pode dicir que a cidade teña choivas estacionais.
No inverno de 1982, nevou por primeira vez nesta cidade, a segunda caída de neve rexistrada no país. Entre novembro e decembro de 2009 houbo catro principios de tornados, mais ningún chegou a se desenvolver na súa totalidade (é común ver vórtices inferiores do río Paraná).
Demografía
[editar | editar a fonte]Segundo estimacións de 2011, Ciudad del Este ten 396 091 habitantes, sendo a primeira cidade do Alto Paraná en termos de crecemento da poboación, sendo a segunda do país. En segundo lugar a nivel departamental está Hernandarias, tras elas Ciudad Presidente Franco. O cuarto posto entre os distritos máis poboados está entre Minga Guazú e Santa Rita. Esta última cidade experimentou un crecemento rápido nos últimos anos.
A maior taxa de crecemento no departamento tamén pertence a Ciudad del Este, con preto de 9-10% anual. O contraste dese crecemento é a cidade de Juan León Mallorquín, que experimentou un crecemento insignificante nos últimos anos.
A poboación nesta rexión, especialmente en Ciudad del Este está composta por un sector importante de estranxeiros, especialmente árabes, chineses, coreanos, xaponeses e brasileiros. Máis do 60% dos habitantes do Alto Paraná concéntrase nas áreas urbanas.
Urbanismo
[editar | editar a fonte]En principio, a cidade foi planeada urbanisticamente. Por exemplo, planeouse que a cidade tería un aeroporto, un lago artificial e zonas residenciais. Porén, o seu crecemento sorprendeu a todos, polo que a planificación da parte urbana foise improvisando. Un exemplo é a prisión Rexional, que foi situado nun barrio residencial, ou o antigo aeroporto, que agora está nun lugar moi transitado nas inmediacións do centro da cidade.
Economía
[editar | editar a fonte]
É a segunda cidade máis importante do país trala cidade de Asunción.
A economía da cidade diversificouse, principalmente en agronegocios, pois en Ciudad del Este establécense as maiores empresas agrícolas do país. Ademais, igual ao que acontece con todo Paraguai, depende moito do comercio co Brasil.
A pesar de que Ciudad del Este non ten áreas rurais, converteuse nun centro rexional para outros centros urbanos adxacentes como Hernandarias, Presidente Franco e Minga Guazú.
Turismo
[editar | editar a fonte]Aínda que o turismo de compras é o que máis caracteriza a Ciudad del Este, na área hai moitas atraccións turísticas de varios tipos:
- 20 quilómetros ao norte, en Hernandarias, está a Represa de Itaipú, unha das maiores centrais hidroeléctricas do mundo.
- 8 km ao sur están os saltos do Monday, fervenza no río do mesmo nome.
- A 26 km ao sur, está o Monumento Científico Moisés Bertoni, unha área protexida onde está a casa na que o sabio fixo as súas investigacións e publicacións.
- A 20 quilómetros ao leste, na fronteira entre a Arxentina e o Brasil están as maxestosas Cataratas do Iguazú.
- O lago de la República, que está situada no centro da cidade é un espazo de lecer e está rodeado por vexetación. Este lago aproveita as augas do regato Amambay, e nos seus arredores prácticanse deportes e sendeirismo.
Véxase tamén
[editar | editar a fonte] |
Wikimedia Commons ten máis contidos multimedia na categoría: Ciudad del Este |
