Chandra (observatorio espacial)

Na Galipedia, a Wikipedia en galego.
Chandra
Spacecraft labeled med.jpg
Observatorio Chandra de raios X
Tipo Observación espacial de raios X
Contratistas principais NASA
Data de lanzamento 23 de xullo de 1999, 4:31 GMT[1][2][3]
Foguete portador Transbordador espacial Columbia[2][4]
Sitio de lanzamento Centro espacial Kennedy, rampa LC39B[2][3][4][5]
Obxectivo da misión Observación astronómica en raios X.[2][4][3]
NSSDC ID 1999-040B
Masa 4790 kg[2][4][5]
Potencia 2000 vatios[5]
Semieixo maior 80.792,2 km[5]
Inclinación 72,2 graos[5]
Apoapse 145.179,9 km[5]
Periapse 3662,5 km[5]

Chandra (previamente coñecido como AXAF ou AXAF-I, acrónimo de Advanced X-Ray Astronomy Facility - Imager) é un observatorio espacial de raios X da NASA, lanzado o 23 de xullo de 1999, mediante o transbordador espacial Columbia.[5][4][1][2]

Características[editar | editar a fonte]

Chandra é un dos dos catro Grandes Observatorios espaciais proxectados no século XX, xunto co telescopio Hubble, o CGRO e o telescopio Spitzer. Na súa elaboración contouse coa colaboración do Reino Unido, Alemaña e os Países Baixos. Orixinalmente proxectáronse dous observatorios, pero debido a reduccións presupostarias en 1993 decidiuse construír só un.[5]

O observatorio ten unha estrutura lixeira de material composto e estabilízase nos tres eixos. Os paneis solares xeneran 2 kW de potencia e alimentan tres baterías de hidróxeno-níquel cunha capacidade de 40 amperios-hora. O control de actitude ven proporcionado por seis volantes de inercia. O sistema de gravación de a bordo consiste en dúas grabadoras de estado sólido cunha capacidade de 1,8 Gbit, equivalente a 18,8 horas de observación por grabadora. O sistema de propulsión do observatorio usa catro propulsores TR-308 bipropelente (N204 e hidracina) para os cambios de órbita, cun pulo de 472 N e un impulso específico de 322,3 s.[5]

O telescopio de raios X en sí consiste en catro pares de espellos case cilíndricos con diámetros de entre 0,68 e 1,40 metros que focalizan os raios X a unha distancia focal de 10 m en dous dos catro instrumentos científicos: o HRC (High Resolution Camera) e o ACIS (AXAF CCD Imaging Spectrometer). Os outros dous instrumentos científicos non están no plano focal e son o HETG (High-Energy Transmission Grating) e o LETG (Low-Energy Transmission Grating).[5]

Notas[editar | editar a fonte]

  1. 1,0 1,1 "CXO" (en inglés). Real Time Satellite Tracking. 2011. http://www.n2yo.com/satellite/?s=25867. Consultado o 12 de maio de 2012. 
  2. 2,0 2,1 2,2 2,3 2,4 2,5 "Chandra X-ray Observatory" (en inglés). 20 de abril de 2012. http://nssdc.gsfc.nasa.gov/nmc/spacecraftDisplay.do?id=1999-040B. Consultado o 12 de maio de 2012. 
  3. 3,0 3,1 3,2 (PDF) Note verbale dated 7 March 2000 from the Permanent Mission of the United States of America to the United Nations (Vienna) addressed to the Secretary-General. 29 de marzo de 2000. pp. 2. http://www.unoosa.org/oosa/download.do?file_uid=379. 
  4. 4,0 4,1 4,2 4,3 4,4 "AXAF-I (Chandra, CXO)" (en inglés). Gunter's Space Page. 2012. http://space.skyrocket.de/doc_sdat/axaf.htm. Consultado o 12 de maio de 2012. 
  5. 5,00 5,01 5,02 5,03 5,04 5,05 5,06 5,07 5,08 5,09 5,10 "Chandra" (en inglés). 2011. http://astronautix.com/craft/chandra.htm. Consultado o 12 de maio de 2012. 

Véxase tamén[editar | editar a fonte]

Commons
Commons ten máis contidos multimedia na categoría: Chandra

Ligazóns externas[editar | editar a fonte]