Chan da Arquiña
Coordenadas: 42°19′12.4″N 08°41′53.3″O / 42.320111, -8.698139
![](http://upload.wikimedia.org/wikipedia/commons/thumb/8/8e/Chan_da_Arqui%C3%B1a_-_Lago_Casti%C3%B1eiras_%28Moa%C3%B1a%29.jpg/250px-Chan_da_Arqui%C3%B1a_-_Lago_Casti%C3%B1eiras_%28Moa%C3%B1a%29.jpg)
O túmulo e cámara megalítica de Chan da Arquiña é un dos monumentos deste tipo máis importantes da provincia de Pontevedra. Sitúase no concello de Moaña, na parroquia de San Pedro de Domaio.
Descrición
[editar | editar a fonte]O monumento está formado por un túmulo de case trinta metros de diámetro, no que sobresae na súa parte superior unha cámara megalítica ou dolmen de corredor. Foi escavada e restaurada nos anos 50 do século XX por Ramón Sobrino Lorenzo-Ruza, que descubriu un enxoval numeroso e de moita calidade, actualmente conservado e parcialmente exposto no Museo de Pontevedra.
![](http://upload.wikimedia.org/wikipedia/commons/thumb/d/d2/Dolmen_de_Chan_da_Arqui%C3%B1a_%285666454416%29.jpg/220px-Dolmen_de_Chan_da_Arqui%C3%B1a_%285666454416%29.jpg)
Foi declarado Ben de Interese Cultural en virtude da resolución do 15 de marzo de 2011, da Dirección Xeral de Patrimonio Cultural da Xunta de Galicia, que ten a intención de protexer algúns dos megálitos coñecidos que conteñen arte rupestre.
O lugar onde se sitúa é unha chan ó pé do Faro Domaio, poboada dun agradable souto de castiñeiros. Este feito e a súa coidada restauración convérteno nun monumento megalítico privilexiado para a visita do gran público.
Véxase tamén
[editar | editar a fonte]Bibliografía
[editar | editar a fonte]- Carballo Arceo, Xulio (xullo de 2006). Arqueoloxía de Galicia. Itinerarios polo pasado. Nigra Trea. ISBN 84-95364-40-9.
- Sobrino Lorenzo-Ruza, R. 1954-19555. "Excavación de una sepultura megalítica en Moraña, Península de Morrazo (Pontevedra)", Noticiario Arqueológico Hispánico, III-IV: pp. 27–36 (en castelán; "Moraña" é un erro por "Moaña", que aparece así no título orixinal).
- Sobrino Lorenzo-Ruza, R. 1956. "Prospecciones arqueológicas en Morrazo", El Museo de Pontevedra, 10: pp. 17–22 (en castelán).
Outros artigos
[editar | editar a fonte]Ligazóns externas
[editar | editar a fonte]- Chan da Arquiña na páxina web colaborativa Patrimonio Galego.
- "Dolmen Chan da Arquiña (Moaña)", artigo escrito por Javier Torres Goberna o 6 de decembro de 2012.