Celoriu, Llanes

Celoriu
Igrexa de San Salvador
Concello	Llanes
Provincia	Asturias
Coordenadas	43°25′36″N 4°48′29″O
Área	8,9 km²
Poboación	406 hab. (2010)
Densidade	45,62 hab./km²
Entidades de poboación	1
[ editar datos en Wikidata ]

Celoriu é unha parroquia do concello de Llanes, no Principado de Asturias. En 2006 tiña unha poboación de 406 habitantes (segundo o INE) en 8,9 km². A localidade atópase situada entre a costa, ao norte, e a estrada AS-263 e a liña de Feve, ao sur. Dista 4,5 quilómetros da capital do concello, situada ao leste.

Localización

Celoriu limita ao leste coas parroquias de Po e Porrúa, ao oeste con Barru, Posada e Caldueñu, e ao sur co concello de Cabrales.

Lugares de interese turístico

Cara de Cristo.

Unha das características de Celoriu é o seu gran número de praias, como Palombina, Las Cámaras, Samartín, Portiellu e Borizu. sendo as dúas primeiras urbanas.

Tamén de interese turístico é unha conxunción rochosa que se produce en certo punto da marea xunto á praia de Troenzo, e que se coñece como a "Cara de Cristo". Desde un punto dunha península adxunta pódese observar unha figura que se asemella ao perfil dun rostro.

Destaca na vila a igrexa e o mosteiro de San Salvador (patrón de Celoriu), fundados segundo algunhas tradicións en 1017, pero de cuxas construcións orixinais só queda en pé unha torre e o arco dunha portada, obras do século XIII en estilo románico tardío, así como unha cruz de pedra próxima á igrexa e cuxa representación está incluída no escudo da vila que existe no adro da igrexa.