Cefoperazona

Cefoperazona é un antibiótico beta-lactámico pertencente á terceira xeración de cefalosporinas, para uso veterinario e humano. Foi comerzializada baixo o nome de Cefobid en Estados Unidos para uso en humanos. En España comercialízase como Fortiperazone para uso exclusivo de gando vacún.

Espectro de acción

Cefoperazona posúe un amplo espectro antibiótico:

Bacterias grampositivas

• Staphylococcus aureus
• Staphylococcus epidermidis
• Streptococcus agalactiae
• Streptococcus pneumoniae
• Streptococcus pyogenes
• Peptococcus spp
• Peptostreptococcus
• Clostridium agás Clostridium difficile

Bacterias gramnegativas

• Citrobacter spp
• Enterobacter spp
• Escherichia coli
• Haemophilus influenzae
• Klebsiella spp
• Morganella morganii
• Neisseria gonorrhoeae
• Proteus mirabilis
• Proteus vulgaris
• Providencia rettgeri
• Providencia stuartii
• Pseudomonas spp
• Serratia marcescens
• Bacteroides spp

Existe actividade in-vitro fronte aos seguintes microorganismos (pero non está avaliada a efectividade clínica): Bordetella pertussis, Neisseria meningitidis, Salmonela spp, Serratia liquefaciens, Shigella spp, Yersinia enterocolitica, Eubacterium spp e Fusobacterium spp.

Indicacións clínicas

Cefoperazona foi aprobada unicamente en animais, pola Axencia Europea de medicamentos para o seu uso no gando vacún. Nos Estados Unidos aprobouse en humanos coas seguintes indicacións: infección respiratoria, a peritonite, a sepse, a infección de pel e partes brandas e a infección urinaria.

Embarazo e lactación

Cefoperazona pertence á categoría B da FDA. Secrétase en baixas cantidades no leite materno polo que se aconsella precaución.