Cefonicid

Cefonicid
	Aviso médico. Advertencia: A Wikipedia non dá consellos médicos.; Se cre que pode requirir tratamento, por favor, consúltello ao médico.

Cefonicid é un antibiótico beta-lactámico pertencente á segunda xeración das cefalosporinas. En España foi comercializada baixo o nome de Monocid.

Espectro de acción

Cefonicid presenta actividade fronte a bacterias grampositivas (Streptococcus pneumoniae, Streptococcus pyogenes, Staphylococcus, Streptococcus agalactiae e Peptococcus) e bacterias gramnegativas (Haemophilus influenzae, Escherichia coli, Citrobacter, Enterobacter, Klebsiella, Neisseria gonorrhoeae, Proteus mirabilis, Providencia rettgerii, Morganella morganii). As especies de Bacteroides e Pseudomonas adoitan ser resistentes^[1].

Dosificación

Existe unha única formulación que se pode administrar por vía intravenosa ou intramuscular. A dose convencional é de 1 gramo cada 24 horas. A dose debe ser reducida en insuficiencia renal (filtrado menor de 30) e en poboación pediátrica.

Embarazo e lactación

En estudos experimentais cefonicid non causou danos nos fetos. Non se experimentou en mulleres humanas. Excrétase en pequenas cantidades no leite materno polo que se recomenda precaución no seu uso.

Notas

↑ "Ficha técnica de "cefonicid" da AEMPS" (PDF) (en Castelán). 2001. Arquivado dende o orixinal (PDF) o 14 de setembro de 2018. Consultado o 14 setembro 2018.

[1] "Ficha técnica de "cefonicid" da AEMPS" (PDF) (en Castelán). 2001. Arquivado dende o orixinal (PDF) o 14 de setembro de 2018. Consultado o 14 setembro 2018.

[1]