Castelo de Arévalo
| Castelo de Arévalo | |
|---|---|
| ben de interese cultural | |
 | |
| Concello | Arévalo |
| Provincia | Ávila |
| Comunidade autónoma | Castela e León |
| Coordenadas | 41°04′11″N 4°43′15″O / 41.069611111111, -4.7207777777778Coordenadas: 41°04′11″N 4°43′15″O / 41.069611111111, -4.7207777777778 |
| Estilo arquitectónico | |
| Estilo orixinal | románico-mudéxar (século XII-XVI) |
| Estilo actual | Restaurado |
| [ editar datos en Wikidata ] | |
O castelo de Arévalo é unha fortificación do século XV, localizada en Arévalo, ao norte da provincia de Ávila. A fortaleza sitúase entre os ríos Adaja e Arevalillo, os cales lle serven de fosos defensivos.
Historia[editar | editar a fonte]
A construción orixinal foi mandada reconstruír no século XV por orde de Álvaro de Zúñiga e Guzmán, duque de Béjar. Hospedou personaxes ilustres como a esposa de Pedro I de Castela, a raíña Branca de Borbón, durante o seu enclaustramento polo repudio que padeceu daquel.
Algunhas fontes afirman que trala morte de Xoán II de Castela se recluíu na fortaleza Isabel de Portugal, nai da futura Isabel a Católica e de Afonso de Castela, cos que supostamente viviu no castelo, aínda que non obstante é máis probable que estes vivisen nunhas casas situadas preto da Porta de Alcocer, xunto á actual praza do Concello.[1] Tras pasar por mans do condestable de Castela, Álvaro de Luna, en 1476 pasou a pertencer aos Reis Católicos.
No século XVI, o castelo foi convertido en prisión. Guillerme de Orange, príncipe de Nassau, foi un dos máis importantes presos do castelo.
Durante os últimos séculos, o castelo pertenceu ao concello de Arévalo quen, por motivos económicos, o cedeu ao Ministerio de Agricultura coa condición de que se usase como silo de cereal. Na actualidade pertence ao Ministerio de Medio e Medio Rural e Mariño, úsase como centro de reunións pero tamén se encontra aberto ao turismo e na súa torre da homenaxe se pode vistar un pequeno museo do cereal. Os días de apertura son: fins de semana e festivos nacionais. Realízanse visitas guiadas cada media hora ata as seis da tarde.
A pesar de que na actualidade non se pode apreciar, as murallas que protexían Arévalo durante a súa época de maior auxe económico, polo comercio con cidades como Ávila ou Segovia, ían morrer ao castelo.
O castelo presenta unha planta pentagonal irregular, rematada en cada esquina con pequenas torres circulares, salvo no caso da torre da homenaxe.
Notas[editar | editar a fonte]
- ↑ Pascual, Carlos (3 de junio de 2013). "“Edades del Hombre” entre paisajes del norte de Ávila". elperiodico.com. Arquivado dende o orixinal o 19 de setembro de 2014. Consultado o 1 de setembro de 2013.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Castelo de Arévalo |
Bibliografía[editar | editar a fonte]
- Hidalgo García, Justo (1951). "Hermana antes que Reina" (PDF). Publicaciones de la Institución Tello Téllez de Meneses (6): 237–278. ISSN 0210-7317.
