Castañeiras é unha localidade do municipio leonés de Valboa, pertencente á bisbarra tradicional do Bierzo. Está situada ao pé do alto do Portelo (1.068 m), polo que se entra á provincia de Lugo. As localidades máis próximas son Vilanova (0,8 km), O Cumial (2,3 km) e Paraxís (5,5 km).
Castañeiras é coñecida por unha lenda (como moitas similares no Bierzo) que falaba dun "xugo de ouro" enterrado nas proximidades, relacionada cos mouros, os seus tesouros e o lugar onde vivían: a Cortiña dos Mouros.
