Paraxís (Parajís en castelán e oficialmente) é unha aldea do concello leonés de Valboa, na bisbarra do Bierzo. Segundo o Instituto Nacional de Estadística, en 2019 tiña un habitante.
É famosa pola imaxe do demo conservada na ermida do Anxo da Garda, coñecida como O Demín, que se encontra a carón da imaxe do Anxo da Garda. A ambas as dúas gárdaselles gran respecto e existen varias lendas sobre elas e o seu significado[1]. Unha delas transcríbese en dialecto berciano no libro El Bierzo de Julio Álvarez Rubio[2]. A antigüidade da imaxe do Demín é incerta, se ben nesa versión da lenda recóllese que "(...) e tanto! Ao parecer, xa estaba aiquí non tempo dos mouros".