Carmen Fernández Seguín
| Biografía | |
|---|---|
| Nacemento | 1905  Coalloso, España |
| Morte | 1999 (93/94 anos) Sandiás, España |
| Datos persoais | |
| País de nacionalidade | España |
| Actividade | |
| Lingua | Lingua castelá |
| Familia | |
| Fillos | Perfecto de Dios Fernández |
Carmen Fernández Seguín nada en Coalloso o ano1905 e finada en Sandiás no ano 1999, foi unha política e guerrilleira antifranquista galega.
Biografía[editar | editar a fonte]
Naceu no seo dunha familia conservadora, pero cando coñeceu a Jesús de Dios, fundador do Partido Comunista de España (PCE) en Sandiás, politizouse e máis tarde casou con el e tiveron tres fillos.[1] Fuxeron a Portugal cando se declarou a Guerra Civil e Galicia quedou en mans dos rebeldes. Poucos días despois, ela regresou a Galicia coa axuda de dous irmáns falanxistas, pero de tódolos xeitos, sofre os insultos e as ameazas, incautan a súa casa que é confiscada e utilizada como centro de detención.[2]
Rematada a guerra civil, o seu marido volveu ocasionalmente a España, pero foi detido e condenado, falecendo poucos anos despois debido unha anxina de peito. Carmen Fernández seguiu o compromiso político do seu marido e xunto cos seus fillos Camilo e Perfecto, foi enlace e subministradora de alimentos da guerrilla antifranquista en Galicia. Fixérono en todo o país, baixo as directrices do Partido Comunista, e con diferentes nomes e bandeiras. En Galicia autodenomináronse Exército Guerrilleiro de Galicia.[2]
Deu o salto á loita armada de xeito inesperado, cando tiña na casa a varios guerrilleiros ceando e parou un camión da Garda Civil moi cerca deles. Tivo medo de ser detida ela e máis os seus fillos, por axudar aos guerrilleiros e deciden fuxir. A súa actividade comezou mais por humanidade que por ideoloxía, pero terminou sendo por convicción.[2]
En 1950, despois dunha serie de caídas nas filas guerrilleiras na que prenden ao seu fillo Camilo en Ourense,[3] e coa idea de establecer contacto cos grupos da zona co seu fillo, Perfecto de Dios, pensaron marchar a Madrid desde Ourense, e logo ao exilio. No entanto, o 16 de maio, en Chaherrero (Crespos, Ávila), o grupo foi descuberto e tras un tiroteo da Garda Civil, mataron a Perfecto [4]e detivérona a ela, que quedara xunto ao corpo do seu fillo morto.[5]
Carmen Fernández foi trasladada a Ourense e acusada de participar en varios atracos efectuados pola guerrilla na Limia e na queima da casa do cura de Couso de Salas. A causa militar nº 111/50 recollía que eses feitos era constitutivos do delito de formar partidas armadas dedicadas ao bandidaxe e o terrorismo, polo que o Fiscal Militar solicitou a pena de morte e a responsabilidade civil para pago de indemnizacións. Finalmente, o 27 de outubro de 1950 foi condenada a 30 anos de prisión maior e o embargo dos bens.[6]
Estivo 13 anos en diferentes cárceres e destacou pola súa actividade clandestina organizando celas comunistas en cárceres, colaborando con Mundo Obrero e realizando diferentes tipos de protestas e folgas. Durante anos mantivo correspondencia co seu fillo Camilo estando na cadea.[1]
O 23 de decembro de 1958 concedéronlle o indulto da sexta para da pena total. Case dous anos despois consegue a liberdade condicional o 13 de decembro de 1961.[6]
Unha vez liberada, trasladouse a Sandiás, onde nunca revelou as súas actividades fóra dun pequeno grupo de familiares. Morreu no ano 1999.[7]
Notas[editar | editar a fonte]
- ↑ 1,0 1,1 "Camarada Camilo, guerrillero antifranquista". www.publico.es. 2017-06-15. Consultado o 2024-01-18.
- ↑ 2,0 2,1 2,2 Cejudo, Conchi (2019-05-12). "Perfecto de Dios, el guerrillero que soñó con liberar a España del fascismo". cadena SER (en castelán). Consultado o 2024-01-17.
- ↑ Executive Order 9808 (1946). Oxford University Press. 2009-09-30.
- ↑ Galicia, Partido Comunista de; Ciudadanía, Sociedad y. "Acto de entrega de los restos de Perfecto de Dios Fernández, guerrillero antifranquista gallego". Mundo Obrero (en castelán). Consultado o 2024-01-16.
- ↑ "Exhumación Chaherrero - Asociación para la Recuperación de la Memoria Histórica". memoriahistorica.org.es. Consultado o 2024-01-17.
- ↑ 6,0 6,1 Martínez Cerredelo, Edelmiro (2008). A Limia, 1931-1953 historia e memoria. Centro de Desenvolvemento Rural "O Viso". ISBN 978-84-612-6855-9.
- ↑ "A Perfecto de Dios le ejecutaron en 1950 con 19 años y un sindicato noruego le saca ahora de la fosa". Consultado o 18/01/2024.
Ligazóns externas[editar | editar a fonte]
- La sombra muda de la guerrillera, El País, 24 de marzo de 2011.
- Archivo Intermedio Militar Noroeste. Procedimientos judiciales incoados por la Justicia Miliatar a raiz de la Guerra Civil y durante el franquismo. Tribunal Militar Territorial 4º. Galicia (Listado procedimientos judiciales Ourense)
- Documental sobre a vida de Camilo de Dios Fernández http://Camilo+o&[Ligazón morta]#x20;último guerrilleiro de Galicia