Couso de Salas, Muíños

Para outras páxinas con títulos homónimos véxase: Couso de Salas.

Couso de Salas
Santuario dos Miragres
Concello	Muíños
Provincia	Ourense
Coordenadas	41°57′42″N 7°55′27″O
Área	6,9 km²
Poboación	111 hab. (2017)
Densidade	16,09 hab./km²
Entidades de poboación	6
[ editar datos en Wikidata ]

Santiago de Couso de Salas é unha parroquia do concello de Muíños, na comarca da Baixa Limia, provincia de Ourense. No ano 2007 tiña 147 habitantes, dos cales 75 eran homes e 72 mulleres.

Patrimonio

A igrexa parroquial, do século XVII, ten unha nave con arco de triunfo sobre pilastras de aceso ao presbiterio e sancristía. O retablo, da mesma época, ten dous corpos, con base con relevos dos Evanxelistas pareados e ático coa Trindade.

O santuario dos Miragres comezou a construírse a inicios do século XIX cunha arquitectura de grandes pretensións, pero ficou sen rematar. No retablo maior, que repousa sobre a figura de dous grandes anxos, destaca a Virxe rodeada de anxos.

Couso de Salas na literatura popular

• A Virxe da Aparecida/ onde foi aparecer:/ antre Couso e Porqueirós,/ meniñas, vámola ver .

Galería de imaxes

• 
  Pía bautismal no santuario dos Miragres.
• 
  Vista xeral do santuario dos Miragres.

Lugares e parroquias

Lugares de Couso de Salas

Lugares da parroquia de Couso de Salas no concello de Muíños (Ourense)
Calvelo | Cerdedo | Couso de Salas | A Pousa | O Reguego