Carlos de Habsburgo-Lorena

Na Galipedia, a Wikipedia en galego.
Saltar para a navegação Saltar para a pesquisa
Carlos de Habsburgo-Lorena
Arquiduque e príncipe imperial de Austria,
Príncipe real de Hungría, Bohemia, Croacia, Eslovenia e Dalmacia,
Conde de Habsburgo, Galicia e Lodomeria
Blue-Shield Vienna 3406.JPG
O Arquiduque Karl de Austria.

Nome completo Karl Thomas Robert Maria Franziskus Bahnam Georg von Habsburg-Lothringen
Nacemento 11 de xaneiro de 1961
Starnberg, Baviera, Alemaña Occidental
Predecesor Arquiduque Otón, príncipe herdeiro de Austria
Consorte Francesca von Thyssen-Bornemisza
Descendencia Véxase Matrimonio e descendencia
Casa real Casa de Habsburgo-Lorena
Proxenitores Archiduque Otto, príncipe heredero de Austria (1912 - 2011)
Princesa Rexina de Saxonia-Meiningen (1925 - 2010)

Escudo de Carlos de Habsburgo-Lorena
Escudo de armas do Imperio de Austria

Carlos de Habsburgo-Lorena e Saxonia-Meiningen (en alemán: Karl Thomas Robert Maria Franziskus Bahnam Georg von Habsburg-Lothringen), nado en Starnberg, Baviera, Alemaña o 11 de xaneiro de 1961,[1] é un arquiduque austríaco, membro da familia imperial, hoxe non reinante, de Austria.

Na época do seu nacemento, o seu pai non posuía ningunha nacionalidade de facto, e vivía en Alemaña cun pasaporte diplomático español, mentres que a súa nai era cidadá alemá. Igual que o seu pai e os seus irmáns, Carlos tiña prohibido entrar en Austria nos primeiros anos da súa vida.

Pertence á casa de Habsburgo, cuxa xefatura ostenta desde 2007, ano en que sucedeu ao seu pai, o príncipe Otón de Habsburgo-Lorena, tras a renuncia deste.[2]

Os seus títulos son os de arquiduque e príncipe imperial de Austria e príncipe real de Hungría e de Bohemia. É o actual xefe da rama austríaca da Orde do Vélaro de Ouro.[3]

En Austria, ningún dos membros da casa de Habsburgo ten titularidade oficial dos seus títulos, polo que estes son honorarios e o seu nome legal o de Carlos Habsburgo-Lorena.

Foi membro do Parlamento Europeo, en representación do Partido Popular Austríaco, entre 1996 e 1999.

Traxectoria[editar | editar a fonte]

O arquiduque Carlos de Habsburgo é fillo de Otón de Habsburgo-Lorena (1912-2011) e da princesa Rexina de Saxonia-Meiningen (19252010). O seu avó foi o último emperador de Austria e rei de Hungría e de Bohemia, Carlos I/IV.

Dedicado á política, é o presidente e fundador da organización Paneuropa-Austria desde 1987. O 13 de outubre de 1996 foi elixido deputado do Parlamento Europeo polo Partido Popular de Austria.

Desde o 19 de xaneiro de 2002 é o Director Xeral da Organización de Nacións e Pobos non Representados (UNPO).

Tivo tamén breves incursións na televisión pública austríaca ORF, concretamente no programa Who Is Who ("Quen é quen?").[4][5].

O 1 de xaneiro de 2007 o seu pai renunciou aos seus dereitos dinásticos no seu favor, converténdose no xefe da casa Imperial de Austria e Real de Hungría e de Bohemia.

Preside o Comité Internacional de Escudos Azuis, equivalente cultural da Cruz Vermella para a preservación de monumentos e o patrimonio cultural.

O arquiduque Carlos de Habsburgo reside en Salzburgo desde 1981, na Casa Austria, coñecida antes como Villa Swoboda.[6]

Matrimonio e descendencia[editar | editar a fonte]

O 31 de xaneiro de 1993, Carlos contraeu matrimonio coa baronesa Francesca Thyssen-Bornemisza, filla do barón Hans Heinrich von Thyssen-Bornemisza e da súa segunda esposa, Fiona Frances Elaine Campbell-Walter, na Santuario de Mariazell (Austria). O matrimonio ten tres fillos:

Desde o ano 2003, Carlos e Francesca encóntranse separados de forma amistosa.[7]

Carreira política[editar | editar a fonte]

Desde 1986, Carlos de Habsburgo-Lorena é o presidente da rama austríaca da Unión Internacional Paneuropea. En outubro de 1996, foi elixido deputado no Parlamento Europeo polo Partido Popular Austríaco (ÖVP).

O 19 de xaneiro de 2002 foi nomeado Director Xeral da UNPO.

Desde o 7 de decembro de 2008 é o Presidente da Asociación de Comités Nacionais do Escudo Azul.

Antepasados[editar | editar a fonte]

Predecesor:
Otón de Habsburgo-Lorena
Pretendente aos tronos de Austria, Hungría e Bohemia
2007 - Presente
Sucesor:
No cargo

Notas[editar | editar a fonte]

  1. Habsburgs Erbe zerfiel und erlebte dennoch eine Renaissance,
  2. Christoph Rella, "Habsburger. Die vielen Pflichten des Adels" en Wiener Zeitung, 5-07-2011.
  3. Le trésor de l'ordre de la Toison d'or en Le Trésor impérial (en francés).
  4. "Beruf: Enkel". Die Presse (en alemán). 3 de abril de 2011. 
  5. Ansichtssache: Ranking der Absonderlichkeiten im ORF, 27 December 2005
  6. "Villa Swoboda", SalzburgWiki.
  7. Shaw, William, "We Are Not a Muse", New York Times, 25 de febreiro de 2007.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]