Carl Ludwig Blume

Na Galipedia, a Wikipedia en galego.
Saltar ata a navegación Saltar á procura
Carl Ludwig Blume
Carl Ludwig Blume.jpg
Gravado de C. L. Blume
Nacemento9 de xuño de 1796 e 1796
 Braunschweig
Falecemento3 de febreiro de 1862 e 1862
 Leiden
NacionalidadeDucado de Brunswick e Países Baixos
Alma máterUniversidade de Leiden
Ocupaciónnaturalista, botánico
CargosDirector do Rijksherbarium
editar datos en Wikidata ]
Portada de Collection des Orchidées les plus remarquables de l'archipel Indien et du Japon, de Blume

Carl Ludwig Blume (en neerlandés Karel Lodewijk Blume), nado en Braunschweig (Alemaña) o 9 de xuño de 1796 e finado en Leiden (Países Baixos) o 3 de febreiro de 1862, foi un naturalista e botánico alemán-neerlandés.

Traxectoria[editar | editar a fonte]

Estudou na Universidade de Leiden (na que tamén foi profesor) e pasou a súa vida profesional traballando nas Indias Orientais Neerlandesas, especialmente na illa de Xava, e nos Países Baixos, onde foi o director do Rijksherbarium (Herbario do Estado) en Leiden. Levou a cabo uns extenso estudos da flora do sur de Asia, particularmente da illa de Xava. Ademais de botánico, tamén foi entomólogo.[1]

O seu nome preséntase ás veces en neerlandés, como Karel Lodewijk Blume, pero a forma alemá é a máis amplamente utilizada nos textos botánicos.

Desde 1823 a 1826 Blume foi o subdirector de agricultura no xardín botánico de Bogor (en neerlandés Buitenzorg) en Xava.

En 1818 foi elixido membro da Academia alemá das Ciencias Naturais Leopoldina.[2] En 1827 foi elixido membro correspondente do Real Academia da Artes e das Ciencias dos Países Baixos.[3] E en 1855, elixido membro estranxeiro da Real Academia Sueca de Ciencias.

Blume planeou, xunto con Philipp Franz von Siebold, a fundación da "Koninklijke Nederlandsche Maatschappij tot aanmoediging van den Tuinbouw" (Real Sociedade Neerlandesa para o Avance da Horticultura), que comezou os seus traballos en 1842.[4]

Carl Ludwig Blume mantivo correspondencia durante un tempo con Charles Darwin.

Estudou e describiu numerosos xéneros de orquídeas.

Obra[editar | editar a fonte]

  • "Catalogus van eenige der merkwaardigste zoo in- als uitheemse gewassen, te vinden in 's Lands Plantentuin te Buitenzorg" opgemaakt door C. L. Blume, M.D., Directeur van voorz. tuin. s.l. n.d. (Catálogo de algunhas plantas nativas e exóticas en Buitenzorg) Batavia 1823
  • Tabellen en Platen voor de Javaansche Orchideen. 1825
  • Bijdragen tot de flora van Nederlandsch Indië... (Contribucións á flora das Indias Neerlandesas) 1825-1827
  • Enumeratio plantarum Javae et insularum adjacentium 1827-1828
  • Flora Javae nec non insularum adjacentium... (con J. B. Fischer) 1828-1858
  • "Rumphia, Sive Commentationes Botanicae imprimis de Plantis Indiae Orientalist, Lugdunu-Batavorum", Ámsterdam, Bruxelas e París, 1835-1848. 4 vv.
  • Museum botanicum lugduno-batavum..., 1849-1857
  • Flora Javae et insularum adjacentium nova series 1858-1859
  • "Collection des Orchides les plus remarquables de l’Archipel Indien et du Japon". Ámsterdam, 1858. Con texto e gravados fidedignos en cor.

Honores[editar | editar a fonte]

Eponimia[editar | editar a fonte]

Xéneros
Revista

Abreviatura[editar | editar a fonte]

A abreviatura Blume emprégase para recoñecer a Carl Ludwig Blume como autoridade na descrición e clasificación científica en botánica.

Notas[editar | editar a fonte]

  1. Eckhard K. Groll: "Blume, Karl Ludwig" en Biographies of the Entomologists of the World[Ligazón morta].
  2. Carl Ludwig von Blume na páxina web da Leopoldina.
  3. "Carl Ludwig Blume (1796 - 1862)". Royal Netherlands Academy of Arts and Sciences. Consultado o 6 de xullo de 2020. 
  4. IPNI: "Koninklijke Nederlandsche Maatschappij tot aanmoediging van den Tuinbouw".
  5. Guill. Arch. Bot. ii. 1833 514 (IK)
  6. Consp. Regn. Veg. 209 1828 (IK)
  7. Bull. Soc. Bot. France 42: 441 1895 (IK)

Véxase tamén[editar | editar a fonte]

Ligazón externas[editar | editar a fonte]