Cantodorxo, O Grove, O Grove

Para outras páxinas con títulos homónimos véxase: Canto.

Cantodorxo
Cruceiro de Francisco Pazos (2017)
Parroquia	O Grove
Concello	O Grove
Coordenadas	42°30′01″N 8°52′19″O
Poboación	182 hab. (2024)
[ editar datos en Wikidata ]

Cantodorxo é un lugar da parroquia do Grove no concello pontevedrés do Grove, na Comarca do Salnés. Tiña 182 habitantes no ano 2024 segundo datos do INE, dos cales 89 eran mulleres e 93 homes, o que representa un aumento en relación ó ano 2015, cando tiña 173 veciños, e un descenso con respecto ó ano 2005, cando eran 195.

En 2017, o Concello e maila Deputación levantaron un cruceiro nun con que se interna no mar cara ao norte, obra do escultor Francisco Pazos. Con este cruceiro sinálase o comezo da Ruta Xacobea do Mar de Arousa e Ulla, un dos Camiños de Santiago.

Castro de Cantodorxo

En Cantodorxo descubríronse os restos dun pequeno castro, duns 300 m², datado nos séculos IV a II a. C., no que se atoparon restos de cerámica, muíños de man e dúas sepulturas antropomorfas. Álvarez Limeses foi quen deu a primeira noticia do castro, en 1928, que hoxe está moi alterado tanto pola propia acción do mar como pola acción humana, especialmente trala construción dunha fábrica de conservas sobre a parte sur do espazo.

Véxase tamén

Bibliografía

• J. M. Rey, M.C. Ferré, Carlos Fernández Rodríguez, Carlos Rodríguez López. "Sondeos en el conchero del castro de Punta de Cantodorxo (O Grove, Pontevedra): análisis zooarqueologico", en Gallaecia nº 17, 1988 [1].