Pilro patilongo

Na Galipedia, a Wikipedia en galego.
(Redirección desde «Calidris himantopus»)
Pilro patilongo
Estado de conservación
Pouco preocupante (LC)
Pouco preocupante[1]
Clasificación científica
Reino: Animalia
Filo: Chordata
Clase: Aves
Orde: Charadriiformes
Familia: Scolopacidae
Xénero: Calidris (disputado)
Especie: Calidris himantopus
(Bonaparte, 1826)

Sinonimia

Micropalama himantopus

O pilro patilongo (Calidris himantopus ou Micropalama himantopus) é unha pequena ave costeira. O seu nome científico específico himantopus significa 'pés de correa' ou 'pés de sandalia'.[2]

Este pilro parécese moito aos pilros máis pequenos. A información obtida da súa secuencia de ADN non é suficiente para determinar se debería ser situado no xénero Calidris ou no xénero monotípico Micropalama.[3] Parece un aliado máis próximo do pilro ferruxento,[4] que é outra especie un pouco estraña que só provisionalmente foi situada en Calidris e que para algúns debería ser separada con el no xénero Erolia.

Reprodúcese na tundra ártica de Norteamérica. é unha ave migradora de longa distancia, que pasa o inverno principalmente no norte de Suramérica. Aparece como unha rara ave errante no oeste de Europa, Xapón e norte de Australia.[5]

Esta especie aniña no chan, poñendo 3 ou 4 ovos. O macho fai un voo de cortexo. Fóra da estación reprodutora, esta ave encóntrase normalmente en augas interiores en vez de en costas abertas.

Pilro patilongo en Quintana, Texas

Esta especie lembra moito ao pilro ferruxento polo seu bico curvado, longo pescozo, supercilio claro e rabadilla branca. É doadamente distinguible desa especie polas súas patas moito máis longas e claras. Carece ademais dunha obvia barra alar en voo.

Os adultos reprodutores son moi distintivos, moi barrados pola parte inferior e con manchas avermellads por arriba e abaixo do supercilio. O dorso é marrón con centros das plumas máis negros. A plumaxe de inverno é basicamente gris por riba e branca por debaixo.

Os individuos novos lembran os adultos no seu forte debuxo da cabeza e dorso pardo, pero non están barrados por debaixo, e mostran bordos brancos na plumaxe traseira.

Estas aves aliméntanse en chairas de barro, peteirando a comida que ven, a miúdo pinchándoa como fan os Limnodromus, cos cales a miúdo se asocia. Comen principalmente insectos e outros invertebrados.

Notas[editar | editar a fonte]

  1. "Calidris himantopus". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. 2012. Consultado o 26 de novembro de 2013. 
  2. Jobling, James A (2010). The Helm Dictionary of Scientific Bird Names. Londres: Christopher Helm. pp. 84, 191. ISBN 978-1-4081-2501-4. 
  3. Thomas, Gavin H.; Wills, Matthew A. & Székely, Tamás (2004). "A supertree approach to shorebird phylogeny". BMC Evolutionary Biology 4: 28. PMC 515296. PMID 15329156. doi:10.1186/1471-2148-4-28. 
  4. Jehl, Jr., Joseph R. "Breeding Biology and Systematic Relationships of the Stilt Sandpiper" (PDF). The Wilson Bulletin 85 (2): 115–147. 
  5. Hayman, Peter; Marchant, John; Prater, Tony (1986). Shorebirds: an identification guide to the waders of the world. Boston: Houghton Mifflin. pp. 384–385. ISBN 0-395-60237-8. 

Véxase tamén[editar | editar a fonte]

Ligazóns externas[editar | editar a fonte]