Cabo de Boa Esperanza

Na Galipedia, a Wikipedia en galego.
Mapa do Cabo de Boa Esperanza, 1888

O Cabo de Boa Esperanza localízase en Suráfrica, preto da Cidade do Cabo, tradicionalmente, e incorrectamente, considerábase o punto de unión entre o Océano Atlántico e o Océano Índico (tecnicamente esa división está no Cabo Agulhas). Aínda hoxe a navegación polo cabo é perigosa, de súpeto o mar ponse bravío, con ondas de ata vinte e cinco metros.

Historia[editar | editar a fonte]

O primeiro en circunnavegar o Cabo de Boa Esperanza foi o navegante portugués Bartolomeu Dias en 1487 que lle deu o nome de Cabo das Tormentas. Foi Xoán II de Portugal o que lle deu o seu actual nome ao abrir Vasco de Gama (1497) a rota cara Oriente, na busca do comercio das especias
O holandés Jan van Riebeeck estabeleceu un centro de fornecemento para a Compañía das Indias Orientais preto do Cabo o 6 de abril de 1652 e que daría orixe a Cidade do Cabo.