CFM International é unha empresa conxunta 50/50 entre GE Aviation, unha división da estadounidense General Electric, e Safran Aircraft Engines (anteriormente coñecida como Snecma), unha división da francesa Safran. Formouse para construír e apoiar a serie de motores turboventiladores CFM56. A compañía é a líder mundial na subministración de motores para avións comerciais, entregando ata a data máis de 37 500 dos seus motores a máis de 570 operadores. En 2019 tiña o 39% da cota de mercado mundial de motores de avións comerciais.[1]
Os nomes de CFM International e da liña de produtos CFM56 derivan das designacións de motores comerciais das dúas compañías nais: CF6 de GE e M56 de Snecma.
No ano 2019 CFM International entrgou máis de 2 100 motores valorados en 30 700 millóns de dólares. Ese ano CFM recibiu pedidos por 2 148 motores, incluídos 180 CFM56 e 1 968 LEAP.[2]
_Boeing_737-838_(WL)_at_the_Canberra_Airport_open_day_(2).jpg?lang=gl)
