Burj al-Arab

Burj al-Arab
Tipo	edificio de grande altura e hotel
Estilo	arquitectura high-tech e arquitectura posmoderna
Persoas e organizacións
Propietario/a	Jumeirah (en)
Arquitecto/a	Tom Wright (pt)
Datas
Fundación	1999
Inauguración	1 de decembro de 1999
Dimensións
Altura	321 m
Pisos sobre o solo	56
Pisos subterráneos	3
Localización
25°08′29″N 55°11′07″L
Estado	Emiratos Árabes Unidos
Emirato	Dubai
Cidade	Dubai
Contacto
Páxina WEB	jumeirah.com…
Redes
[ Wikidata ] [ G:Commons ] [ C:Commons ]

O Burj al-Arab (en árabe Torre dos Árabes) é un hotel que se atopa na cidade de Dubai (Emiratos Árabes Unidos). Foi inaugurado o 1 de decembro de 1999.

Características

Cunha altura de 321 metros, é o edificio máis alto de uso exclusivo como hotel de todo o mundo e un dos edificios hostaleiros máis representativos. Está situado no mar, sobre unha illa artificial localizada a 280 metros da praia no Golfo Pérsico. Está conectado con terra firme mediante unha estrada.

A construción do edificio iniciouse en 1994 e inaugurouse oficialmente o 1 de decembro de 1999. A súa construción intenta recordar un barco e está situado de forma que a súa sombra non cubra a praia. No punto máis alto do hotel atópase un heliporto.

O hotel está catalogado como de sete estrelas, categoría que vai máis aló da clasificación normal dos hoteis, de 1 a 5, debido ás súas características realmente excepcionais que o diferencian de calquera outro tipo de hotel no mundo. No Burj al-Arab non teñen habitacións normais senón que conta con 202 suites dobres. A máis pequena destas suites ocupa unha área de 169 m² mentres que a maior cobre unha área de 780 m².

O hotel ten unha suite real a cal vale 28000 dólares a noite. Tamén ten un servizo de automóbiles Rolls-Royce de luxo dispoñible para cada hóspede. Ademais na súa cociña conta con afamados chef. As reservas pódense facer desde a páxina oficial.

Véxase tamén

Ligazóns externas

• Páxina Oficial do Hotel Burj Al Arab