Breed 77

Breed 77
Instancia de grupo musical  Composto por Paul Isola (pt)
Características  Xénero artístico metal alternativo
Datas  Fundación / creación 1996  Inicio de actividade 1996
Localización  Lugar de formación Xibraltar
Códigos e identificadores VIAF 138957675 ISNI 0000000094448631 Freebase /m/04cf2y
Fontes e ligazóns  Páxina WEB breed77.net
Wikidata

Breed 77 é un grupo musical con orixe en Xibraltar de metal alternativo con influencias do flamenco.

Historia

Paul Isola, Danny Felice e Stuart Cavilla eran antigos amigos do colexio e reuníronse en Londres para formar un grupo que inicialmente chamouse Gibraltarian Mafia, pero cando se formou realmente o grupo buscaron un nome que reflectise as súas orixes conxuntas e chamáronse simplemente Breed (galego: raza). O grupo viuse forzado a cambia-lo seu nome xa que este xa estaba rexistrado por Steve Hewitt (membro de Placebo) coma nome da súa compañía discográfica, pasándose a chamar finalmente Breed 77.

O seu primeiro disco con nome homónimo, Breed 77, editouse en novembro de 2001, sendo reeditado en abril de 2005 debido á súa boa acollida. O segundo álbum Cultura saíu á venda o 3 de maio de 2004 acadando o número 61 nas listas de vendas do Reino Unido e o número 3 da lista de álbums de rock máis vendidos. O seu terceiro álbum In my blood (En mi sangre) foi lanzado internacionalmente o 11 de setembro de 2006. Este álbum foi producido por Ron Saint-Germain que xa traballara con grupos coma Soundgarden, Tool, Creed e Bad Brains.

En xaneiro do 2007, o grupo sacou en iTunes un adianto do seu disco Un Encuentro, o cal saíu á venda en formato CD el 7 de maio de 2007. O quinto álbum de estudio, Insects, saíu ao mercado a finais do 2009.

As xiras musicais feitas polo grupo leváronos a tocar xunto a grupos internacionais coma Black Sabbath, Machine Head, Danzig, Ill Niño, Korn, Napalm Death e Mägo de Oz.

Membros

• Paul Isola - voz, djembe, percusión (1996-presente).
• Danny Felice - guitarra, coros (1996-presente).
• Stuart J. Cavilla - baixo (1996-1999, 2000-presente).
• Pedro José Caparrós - guitarra, coros (2002-presente).
• Óscar Zamora - batería e outras percusións (2007-presente).

Antigos membros

• Lawrence Bautista - batería (1996–1997).
• Nick Beefly - batería (1997–1998).
• Charlie Gomez - baixo (1999–2000).
• Dan Wilkinson - baixo (2000).
• Peter Chichone - batería e outras percusións (1998–2006).
• Adam Lewis - batería e outras percusións (2006–2007).

Discografía

Álbums

• Breed 77 (2001)
• Cultura (2004)
• In my blood (En mi sangre) (2006)
• Un encuentro (2007)
• Insects (2009)

Sinxelos

• La última hora (2003)
• The river (2004)
• World's on fire (2004)
• Shadows (2005)
• Alive (2006)
• Blind (2006)
• Look at me now (2007)
• Mundo en Llamas (2008)

EPs

• The message (1998)
• Vol. 1 (1999)
• La última hora (2003)
• Shadows (2005)

Véxase tamén

Ligazóns externas

• Páxina oficial
• MySpace de Breed 77