Brazil (filme)

Brazil
Instancia de filme  Título Brazil (en)
Características  Cor en cor  Xénero artístico neo-noir filme de Nadal filme distópico retrofuturismo cinema de comedia filme de fantasía ciencia ficción humorística cinema de ciencia ficción cinema de ciencia ficción de autor  Formato de distribución vídeo baixo demanda  Época ambientación século XX decembro  Personaxes Harry Tuttle  Lingua orixinal lingua inglesa
Implicados  Produtor/a Arnon Milchan  Director/a Terry Gilliam  Compositor/a Michael Kamen  Guionista Terry Gilliam Tom Stoppard Charles McKeown  Director/a fotografía Roger Pratt  Editor/a de cine Julian Doyle  Deseñador/a produción Norman Garwood  Deseñador/a vestiario James Acheson  Elenco Robert De Niro (Harry Tuttle) Jonathan Pryce Terry Gilliam Derrick O'Connor John Flanagan Gorden Kaye David Gant Charles McKeown Roger Ashton-Griffiths Barbara Hicks Jim Broadbent Kim Greist Ian Holm Katherine Helmond Sue Hodge Bob Hoskins Ian Richardson Michael Palin Peter Vaughan Simon Jones  Compañía produtora Regency Enterprises  Distribuidor/a 20th Century Fox Netflix Disney+
Datas  Data de publicación 20 de febreiro de 1985 (Reino Unido) 18 de decembro de 1985 (Estados Unidos de América) 19 de febreiro de 1986 (Canadá) 22 de xuño de 1985 (Australia) 26 de abril de 1985 (Alemaña)
Historia  Sucedido por As aventuras do barón Munchausen  Nomeamentos Óscar ó mellor guión orixinal (4 de febreiro de 1986) Óscar ó mellor deseño de produción (4 de febreiro de 1986)
Cifras e dimensións Duración 142 min e 140 min Formato de imaxe 1.85:1 Custo 15000000 $ Recadación 9929135 $
Localización  País de orixe Reino Unido Australia
Códigos e identificadores ISAN 0000-0001-277F-0000-F-0000-0000-T Freebase /m/0jwmp
Fontes e ligazóns  Puntuación da crítica 84/100 Metacritic (14 de xullo de 2025) 8.8 Rotten Tomatoes (24 de xullo de 2024) 98% Rotten Tomatoes (31 de maio de 2024)
Wikidata

Brazil é un filme británico-estadounidense dirixido por Terry Gilliam que se estreou no ano 1985. Está protagonizado por Jonathan Pryce e Robert De Niro, e obtivo dous nomeamentos ós Premios Óscar, á mellor dirección artística e ó mellor guión orixinal.

Sinopse

Sam Lowry (Jonathan Pryce) é un tecnócrata eficiente pero soñador cun posto de terceira categoría dentro da xigantesca máquina burocrática que move (ou paraliza) a unha antiutopía opresiva, inhumana, afundida pola ineficiencia e ameazada polo terrorismo.

Un erro no apelido debido a unha mosca caída na testa dun teletipo, provoca a detención errónea dun inocente, de consecuencias fatais para este. Como oficialmente non existen erros no sistema burocrático, ninguén quere facerse cargo do papelorio agás o benintencionado Lowry. Durante a súa visita á familia do falecido ten un encontro casual coa súa veciña, á que recoñece como a muller dos seus soños. Pero ela foxe.

O descubrimento fai que, para poder obter información sobre ela, Sam sométese ós desexos da súa nai, unha narcisista recalcitrante e moi ben relacionada obsesionada con darlle unha carreira ó fillo. Así, Lowry comeza a súa escalada ás altas esferas a pesar da súa natureza escrupulosa e pouco ambiciosa.

Tanto a súa implicación no erro burocrático do principio, como a súa obsesión pola muller e os seus contactos cun fontaneiro clandestino complican a vida a Lowry ata o punto de que pasa a ser considerado unha ameaza para o sistema. Mentres, a pesar de moitas dificultades, é quen de acadar o amor da súa rapaza soñada.

Finalmente o Sistema, implacable, faise cargo de Sam Lowry e destrúeo mediante a tortura. Pero Lowry obtén refuxio na tolemia.

Personaxes

• Jonathan Pryce como Sam Lowry.
• Kim Greist como Jill Layton.
• Michael Palin como Jack Lint.
• Robert De Niro como Archibald “Harry” Tuttle.
• Katherine Helmond como Mrs. Ida Lowry.
• Bob Hoskins como Spoor.
• Derrick O'Connor como Dowser.
• Ian Holm como Sr. Kurtzman.
• Jim Broadbent como Dr. Jaffe.
• Ian Richardson como Sr. Warrenn.
• Peter Vaughan como Sr. Helpmann.
• Brian Miller como Sr. Buttle.
• Barbara Hicks como Mrs. Alma Terrain.
• Charles McKeown como Harvey Lime.
• Kathryn Pogson como Shirley.
• Bryan Pringle como Spiro (waiter).
• Sheila Reid como Sra. Buttle.
• Derek Deadman como Bill.
• Nigel Planer como Charlie.
• Gorden Kaye como Lobby Porter.
• Jack Purvis como Dr. Chapman.
• Elizabeth Spender como Alison/'Barbara' Lint.
• Myrtle Devenish.
• Holly Gilliam como Holly Lint.
• Terry Gilliam.
• Roger Ashton-Griffiths como o sacerdote

Influencias

O director, Terry Gilliam referiuse a esta película como a segunda dunha triloxía formada por Os bandidos do tempo (1981) e As aventuras do Barón Munchausen (1989). As tres películas teñen como tema común a loita pola imaxinación e a liberdade de pensamento nun mundo que se opón ás devanditas ideas.

Esta película contén numerosos temas complexos e sutís aderezados cunha mestura de humor cruel e ideas que dificultan un seguimento lineal da trama pero que contribúen a crear un filme rico que pode ser visto en varias ocasións. A película posúe unha importante riqueza visual presentando unha visión infrecuente do futuro e con imaxes oníricas que admiten diferentes interpretacións.

Tamén contén numerosas referencias á serie de televisión británica dos anos sesenta The Prisoner e á novela de George Orwell 1984.

Na súa estrea a película tivo importantes dificultades en recadación. Con todo, permanece como unha película de culto entre os fans de Gilliam. A edición en VHS da cinta é unha versión máis curta de 131 minutos. A edición en DVD é a mesma que a película orixinal.

Véxase tamén

Outros artigos

• Lista de títulos con versión en galego nas plataformas de streaming

Ligazóns externas

• Brazil na IMDb (en inglés).
• Ficha en AllMovie (en inglés)
• Ficha en BoxOfficeMojo (en inglés)
• Ficha en RottenTomatoes (en inglés)