Braulio González Pasantino
| Biografía | |
|---|---|
| Nacemento | 1902  Santiago de Compostela, España |
| Morte | 19 de setembro de 1936 (33/34 anos) Cans, España |
| Datos persoais | |
| País de nacionalidade | España |
| Actividade | |
| Ocupación | fotógrafo , político |
| Lingua | Lingua castelá |
Braulio González Pasantino, coñecido como Zapatero, nado en Santiago de Compostela cara a 1902 e finado en Cans (O Porriño) o 19 de setembro de 1936, foi un fotógrafo e político galego.
Traxectoria[editar | editar a fonte]
Fillo do gaiteiro compostelán Antonio González Silva. Zapateiro de profesión. Residente en Redondela. Comunista e afiliado á Casa do Pobo de Redondela. Dedicábase á fotografía, percorrendo vilas e parroquias da contorna. Nas eleccións de febreiro de 1936, logo de que un grupo de falanxistas quixesen romper as urnas e por iso seren detidos, Braulio tirou fotografías dos membros do grupo. Ao producirse o golpe de Estado do 18 de xullo de 1936, integróuse no comité da Fronte Popular e participou na requisa de armas nas parroquias de Saxamonde e Quintela. Logo fuxiu ao monte e estivo refuxiado nun palleiro en Vilavella e no faiado da súa casa. Foi detido e torturado. Barbaramente mutilado, foi asasinado na parroquia de Cans, camiño de Ponteareas.
Véxase tamén[editar | editar a fonte]
Bibliografía[editar | editar a fonte]
- Amoedo López, Gonzalo; Gil Moure, Roberto (2002). Redondela, crónica dun tempo pasado: A II República e o primeiro franquismo. Sada: Do Castro. pp. 293–295. ISBN 84-8485-090-0.
- Paz Antón, Xosé Ramón (2007). O Porriño 1936. Vigo: A Nosa Terra. pp. 160–161. ISBN 978-84-8341-157-5.
Ligazóns externas[editar | editar a fonte]
- Braulio González Pasantino na páxina web Nomes e Voces.