Botkyrka

Botkyrka
	Botkyrka kommun (sv)
	Brasón
Localización
	59°12′N 17°50′L / 59.2, 17.83
Estado	Suecia
Condado	condado de Estocolmo
Capital	Tumba
Poboación
Poboación	96.450 (2025) (433,93 hab./km²)
Lingua oficial	lingua sueca ; lingua finesa
Xeografía
Parte de	Área metropolitana de Estocolmo ; Södermanland ; distrito xudicial de Huddinge (–2007); Judicial district of Södertörn (en) (2007–)
Superficie	222,27 km²
Altitude	36 m
Comparte fronteira con	concello de Huddinge ; concello de Ekerö ; concello de Salem ; concello de Södertälje ; concello de Haninge ; concello de Nynäshamn ; Vårby (en)
Datos históricos
Precedido por	Botkyrka Rural Municipality (en) , Grödinge Rural Municipality (en) e Salem Municipality (1971-73) (en)
Creación	1 de xaneiro de 1971: (Reforma municipal sueca de 1971)
Sucedido por	concello de Salem
1 de xaneiro de 1983	Evento clave
1 de xaneiro de 1983	cambio de fronteira: Q10660414
Organización política
• Chairman of the municipal board in Botkyrka Municipality, Sweden (en)	Ebba Östlin
Outro
Irmandado con	Brøndby (pt) ; Alytus (2000–)
Sitio web	botkyrka.se

Botkyrka é un municipio sueco (kommun) do condado de Estocolmo.^[1] A súa capital é Tumba. O concello está situado na peníncula de Södertörn en Södermanland co lago Mälaren ao norte e o mar Báltico (as baías de Mörkarfjärden, Himmerfjärden e Järnafjärden) ao suroeste. O municipio de Botkyrka limita ao norte co concello de Ekerö, ao nordés co de Huddinge, ao sueste co de Haninge, ao sur co de Nynäshamn e ao oeste cos de Södertälje e Salem, todos eles no condado de Estocolmo.

A meirande parte da poboación activa traballa fóra do municipio, pero a poboación que traballa no concello faino principalmente no sector servizos. En decembro do ano 2024 o concello tiña unha poboación de 95 905 habitantes.^[2]

Historia administrativa

A área do concello correspóndese coa das parroquias de Botkyrka e Grödinge. Nesas dúas parroquias formáronse concellos rurais co mesmo nome coa reforma municipal de 1862.

O 28 de outubro de 1904 estableceuse a localidade municipal de Tumba que se disolveu a finais do ano 1956.

A reforma municipal de 1952 non afectou ás divisións da zona.

O actual concello de Botkyrka naceu coa reforma municipal de 1971 a partir dos concellos rurais de Botkyrka e Grödinge. En 1974 incorporouse o municipio de Salem, pero este separaríase en 1983 para converterse nun concello de seu.^[3]

Xeografía

Botkyrka está na illa de Södertörn, na provincia histórica de Södermanland, e limita cos municipios de Huddinge, Södertälje, Salem, Haninge, Nynäshamn e Ekerö.

Topografía e hidrografía

O lago Mälar ten dous afluentes meridionais, o Albysjön e o Tullingesjön. O primeiro atópase na fronteira co concello de Huddinge mentres que o segundo está nas aforas de Tullinge. O norte do concello está dominado por áreas urbanizadas, mentres que a parte sur ten moitos bosques e prados. No extremo sur, o municipio tamén ten acceso ao mar a través da baía de Grödingeviken, que é parte do mar Báltico.

Entre os lagos atópanse os de Albysjön, Sjön Aspen, Bornsjön, Tullingesjön e Uttran.

Notas

↑ "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-08-14.
↑ "Folkmängd och befolkningsförändringar - Kvartal 4, 2024". Statistikmyndigheten SCB (en sueco). Consultado o 2025-03-16.
↑ Andersson, Per (1993). Sveriges kommunindelning 1863-1993. Mjölby: Draking. ISBN 978-91-87784-05-7.

[1] "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-08-14.

[2] "Folkmängd och befolkningsförändringar - Kvartal 4, 2024". Statistikmyndigheten SCB (en sueco). Consultado o 2025-03-16.

[3] Andersson, Per (1993). Sveriges kommunindelning 1863-1993. Mjölby: Draking. ISBN 978-91-87784-05-7.

[1]

[2]

[3]