Bonnybridge

Bonnybridge

Localización
56°00′13″N 3°53′09″O
Estado	Reino Unido
País	Escocia
Concello	Falkirk
Poboación
Poboación	5.210 (2016) (1.828,07 hab./km²)
Xeografía
Superficie	2,85 km²
Identificador descritivo
Fuso horario	UTC±00:00
Sitio web	falkirk.gov.uk

Bonnybridge (en escocés Bonniebrig) é unha pequena vila de Escocia, pertencente ao concello de Falkirk.

Xeografía

Situado a uns 6,5 km ao oeste da vila de Falkirk en dirección a Edimburgo, entre o río Bonny (que lle dá nome) e o canal do Forth e do Clyde. Ten unha poboación de 6.780 habitantes conforme o censo de 2001, pero que chegan a superar os vinte milleiros na súa zona de influencia. Está situado na liña de camiño de ferro entre Glasgow e Edimburgo.

Historia

Bonnybridge está situada na estrema o límite de máxima expansión do Imperio Romano e a poucos quilómetros do seu núcleo cruza o muro de Antonino, a muralla que sinalaba a fronteira norte de Roma, e do que se gardan algúns dos restos mellor conservados precisamente nas proximidades de Bonnybridge. Polo demais, e como a maior parte dos núcleos da Terra Baixa escocesa, Bonnybridge coñeceu unha grande expansión nos tempos da Revolución Industrial, con muíños de papel, serradoiros, fábricas de produtos químicos, cerámicas de ladrillos e destilerías de whisky, pero particularmente algunhas fundicións de ferro. O canal do Forth e do Clyde permitía distribuír estes produtos por toda o sur de Escocia, e mais levalos a Glasgow para a súa exportación.

Servizos

Hai tres escolas de primaria en Bonnybridge.

Cultura popular

A vila industrial de Bonnybridge é coñecida polo gran número de avistamentos de ovni. Situada no que se deu en chamar o triángulo de Falkirk, moita xente sinalou que viran obxectos luminosos no ceo.

Véxase tamén

Ligazóns externas

• Sociedade de Historia Local de Falkirk