Belén do Campo Piñeiro
Belén María do Campo Piñeiro, nada na Coruña o 29 de decembro de 1963, é unha política galega do PPdeG.
Traxectoria
Diplomada en EXB. Foi presidente de Novas Xeracións do PP da Coruña. Foi elixida deputada do Congreso pola provincia da Coruña na IV e V lexislaturas (1989-1996). Foi elixida senadora pola Coruña na VI, VII e VIII lexislaturas (1996-2008). Volveu ser deputada na IX lexislatura (2008-2011). Dimitiu en xuño de 2011 ao ser nomeada Delegada Territorial da Xunta de Galicia na Coruña, sendo substituída por María Asunción Torres Parada. Foi elixida deputada do Parlamento de Galicia nas autonómicas de 2012.
Dende o 13 de decembro de 2012 pasou a ser Delegada Territorial da Xunta de Galicia na provincia da Coruña, deixando o seu posto no Parlamento galego.