Belén Regueira

Na Galipedia, a Wikipedia en galego.
Belén Regueira.jpg

Belén Regueira Leal, nada na Coruña en 1977, é unha xornalista galega.

Traxectoria[editar | editar a fonte]

Licenciada en Xornalismo pola Universidade de Santiago de Compostela, comezou o seu contacto cos medios de comunicación presentando un programa de entrevistas e música chamado Chambo (1997). De aí pasou aos servizos informativos da Televisión de Galicia, onde presentou telexornais en distintas franxas horarias.

En 2005 comeza a presentar na Radio Galega o magacine da fin de semana, chamado Extrarradio, e en 2008, sen abandonar a radio, regresa á televisión para presentar O país dos ananos, un programa onde interveñen nenos de toda Galicia falando de todo tipo de temas. Este traballo valeulle o Premio Mestre Mateo á mellor comunicadora do ano 2008.

Desde mediados de 2009, coincidindo coa reestruturación da programación da Radio Galega e da TVG, suprimiuse o espazo Extrarradio e desde aquela Belén Regueira realiza tarefas de redacción no magacine Galicia por Diante da Radio Galega[1]. Tamén colabora periodicamente no semanario A Nosa Terra.

Deu voz ó Dicionario de pronuncia da lingua galega do Instituto da Lingua Galega[2]

Galardóns e nomeamentos[editar | editar a fonte]

Premios Mestre Mateo[editar | editar a fonte]

Ano Categoría Título Resultado
2008 Mellor comunicador O país dos ananos Gañadora

Galería de imaxes[editar | editar a fonte]

Notas[editar | editar a fonte]

  1. Ficha do Galicia por Diante Consultado o 4 e febreiro de 2010.
  2. Créditos do Dicionario de pronuncia da lingua galega.