Begoña Arrondo

Na Galipedia, a Wikipedia en galego.
Begoña Arrondo
Nacemento1963
Lugar de nacementoHernani
NacionalidadeEspaña
Ocupaciónpolítica e arquiveira
editar datos en Wikidata ]

María Begoña Arrondo Iruín, nada en Hernani en 1963, é unha política vasca de ideoloxía abertzale.

Traxectoria[editar | editar a fonte]

Natural da localidade guipuscoana de Hernani. Traballou como axudante no arquivo fotográfico do diario abertzale Egin.

Foi detida o 20 de setembro de 1993 nunha operación contra unha rede de apoio do Comando Donosti de ETA. Estando encarcerada á espera de xuízo, Herri Batasuna incluíu a Begoña Arrondo en quinto lugar da súa candidatura por Guipúscoa durante as Eleccións ao Parlamento Vasco de 1994. De xeito análogo, outros militantes de Herri Batasuna en prisión preventiva ocuparon os lugares quintos das candidaturas por Biscaia e Álava, aínda que só Arrondo saíu elixida.[1]HB presentou a Arrondo como portavoz da súa formación na sesión de investidura do lehendakari José Antonio Ardanza. En devandita sesión ocupou o escano situado xunto a Gregorio Ordoñez, parlamentario do PP que foi asasinado por ETA un par de meses máis tarde.[2]

Algo menos dun ano máis tarde, en setembro de 1995, Arrondo foi condenada polo Tribunal Superior do País Vasco a unha pena de 6 anos e 1 día de cárcere por colaborar con ETA. A pena carrexou a suspensión de cargo público polo que tivo que dimitir do seu cargo, que pasou a ocupar o seguinte na lista de HB, Arnaldo Otegi, quen entrou por primeira vez no parlamento vasco deste xeito.[3]

Tras cumprir a súa condena, Arrondo non volveu á primeira liña da política.

Notas[editar | editar a fonte]

  1. "HB quiere nombrar portavoz a una presa acusada de colaborar con ETA". hemeroteca.sevilla.abc.es. Consultado o 2019-07-25. 
  2. "Ordóñez será enterrado este mediodía en San Sebastián". hemeroteca.abc.es. Consultado o 2019-06-20. 
  3. "Otro de los diputados que presenta HB es condenado por colaboración con ETA". hemeroteca.sevilla.abc.es. Consultado o 2019-06-20. 

Véxase tamén[editar | editar a fonte]

Ligazóns externas [editar | editar a fonte]