Batalla do Holme

Na Galipedia, a Wikipedia en galego.
Saltar ata a navegación Saltar á busca
Batalla do Holme
Parte de Guerra de sucesión polo trono de Wessex
Data 13 de decembro de 902
Lugar Nun lugar do reino de Anglia Oriental
Resultado Triunfo viquingo de Danelaw
Derrota e morte dos caudillos Eirík e Æthelwold
Líderes
Descoñecido Eirik de Anglia Oriental
Æthelwold de Wessex

A batalla do Holme foi un conflito bélico que enfrontou aos exércitos do reino de Kent e os daneses de Danelaw nalgún lugar de reino de Anglia Oriental, hoxe descoñecido, pero pode tratarse de Holme, en Huntingdonshire (hoxe parte de Cambridgeshire)[1].

Tras a morte de Alfredo o Grande en 899, o seu fillo Eduardo o Vello foi coroado como rei dos anglosaxóns de Wessex, pero o seu primo Æthelwold, fillo de Aethelred I irmán de Alfredo, reclamou o trono de Wessex. A súa iniciativa fracasou e refuxiouse no territorio dos escandinavos de Anglia Oriental, onde gobernaba o caudillo viquingo Eirík (segundo a crónica anglosaxoa, foi declarado rei de Anglia Oriental, pero é improbábel e a versión que recibe máis peso é, como moito, que recibiu un rango de jarl de Sigfrøðr e Knútr que gobernaban en diarquía Jórvik)[2]. En 901 Æthelwold preparouse para a guerra cunha flota e dirixiuse a Essex e persuadiu aos viquingos do Danelaw para atacar Mercia e o norte de Wessex. Eduardo adiantouse para devastar Anglia Oriental e os viquingos tiveron que retroceder para protexer o seu territorio, a partir de aí Eduardo apostou por non desencadear un maior derramamento de sangue e retirouse, pero o exército de Kent vía a alianza polo trono de Wessex como unha ameaza e decidiu atacar pola súa conta enfrontándose no campo de batalla.

Non se coñecen os detalles da batalla, pero percíbese que os viquingos gañaron a partida e a crónica anglosaxoa achega algo de luz sobre iso cando cita que os daneses de Anglia Oriental «conservaron o lugar da matanza». aínda que é indubidábel que sufriron importantes baixas, entre eles o mesmo pretendente de Wessex, Æthelwold e o rei viquingo Eric[3].

Notas[editar | editar a fonte]

  1. Ryan Lavelle, Æthelwold of Wessex: King of the Pagans
  2. Campbell, James (2001) What is not known about the reign of Edward the Elder, editorial de N. J. Higham & D. H. Hill, Edward the Elder 899-924, Routledge, p. 21.
  3. Anglo-Saxon England. Clarendon Press. ISBN 0-19-821716-1.  p. 321-2