Batalla de Mulhouse

Batalla de Mulhouse
Tipo	batalla
Data	7 de agosto de 1914 ╴10 de agosto de 1914
Resultado	Vitoria táctica alemá.
Localización	Mulhouse
Coordenadas	47°44′58″N 7°20′24″L / 47.749444444444, 7.34
Belixerantes
Francia	Imperio Alemán
Líderes
Louis Bonneau	Josias von Heeringen
Forzas
VII Corpo francés (45 000 soldados)	XIV e XV Corpos alemáns (30 000 soldados)
Baixas
unhas 4 000	unhas 3 000
Notas
	Batalla das fronteiras (14-24 de agosto de 1914); Batalla de Mulhouse, Batalla de Haelen, Batalla de Lorena, Batalla das Ardenas, Batalla de Charleroi, Batalla de Mons
	[ Wikidata ]

A batalla de Mulhouse é unha batalla da primeira guerra mundial pertencente á Batalla das fronteiras. O ataque preparouse o día 7 de agosto de 1914 e iniciouse dous días despois. Formaba parte do intento francés por recuperar a rexión de Alsacia, que perdera tras a fin da guerra franco-prusiana en favor do Imperio Alemán.

Forzas de combate

As forzas francesas constaban duns 45.000 homes do I Exército, pertencentes a tres unidades de infantaría (as Divisións 14^a, 41^a e unha brigada da División de reserva 57^a) e a 8^a División de Cabalería.

As forzas alemás eran os corpos XIV e XV do VII Exército, dirixido por Josias von Heeringen.

A batalla

A batalla iniciouse cando os soldados franceses tentaron ocupar Alsacia. O día 7 atravesaron a fronteira franco-xermana e avanzaron cara ao interior do Imperio Alemán. Puideron chegar ata Mulhouse, que foi ocupada sen resistencia ningunha. O avance inicial supuxo certo xúbilo en Francia, pero os alemáns organizaron rapidamente un contraataque. Os franceses preparáronse para defender as zonas ocupadas e recibiron reforzos (unha División de reserva). A pesar das novas tropas, o Xeneral Bonneau decidiu retirarse o que ocasionou que fose relevado por orde de Joseph Joffre. Deste modo, os alemáns recuperaron as poboacións perdidas.

A finais de agosto, Joffre enviou á zona catro novas divisións, que constituirían o Exército de Alsacia, que atacou en Lorena e fracasou.

Consecuencias

As baixas francesas foron duns 4000 homes e 3000 no bando alemán. Ademais, supuxo a destitución do Xeneral Bonneau.