Bartug Aykan
| Biografía | |
|---|---|
| Nacemento | 1971  (52/53 anos)Provincia de Edirne, Turquía |
| Datos persoais | |
| Residencia | Galicia (1998–) Alemaña (1973–) |
| País de nacionalidade | Turquía |
| Actividade | |
| Ocupación | tradutor |
| Empregador | Escola Oficial de Idiomas |
| Lingua | Lingua turca |
Bartug Aykan, nado en Edirne (Turquía) en 1971, é un tradutor e profesor turco vinculado a Galicia.
Traxectoria[editar | editar a fonte]
Emigrou a Alemaña con dous anos e trasladou a súa residencia a Galicia en 1998. É profesor de alemán na Escola Oficial de Idiomas de Santiago de Compostela e Pontevedra[1].
Traduciu varias obras de Orhan Pamuk ao galego, en compañía doutras tradutoras.
Distincións[editar | editar a fonte]
Foi galardoado co Premio á Mellor Tradución de 2009 da Asociación de Escritores en Lingua Galega por O museo da inocencia[2] e co Premio Fervenzas Literarias ao Mellor Libro de Adultos Traducido en 2011 por O libro negro[3], ambas de Orhan Pamuk e co-traducidas con María Alonso Seisdedos.
Obras traducidas[editar | editar a fonte]
Traduciu unha gran cantidade de obras desde o turco.[4]
- O castelo branco, de Orhan Pamuk (Editorial Galaxia, 2007) con Eva Almazán.
- Istambul: as lembranzas e a cidade, de Orhan Pamuk (Editorial Galaxia, 2008) con Lara Domínguez Araújo.
- O museo da inocencia, de Orhan Pamuk (Editorial Galaxia, 2009) con María Alonso Seisdedos.
- Neve, de Orhan Pamuk (Editorial Galaxia, 2009) con María Alonso Seisdedos.
- O libro negro, de Orhan Pamuk (Editorial Galaxia, 2011) con María Alonso Seisdedos.
- Chámome vermello, de Orhan Pamuk (Editorial Galaxia, 2012) con María Alonso Seisdedos.
Notas[editar | editar a fonte]
- ↑ «Para traducir hai que ter en conta que unha lingua son sentimentos, cores» en La Voz de Galicia, 2008.
- ↑ A mellor tradución do ano en Editorial Galaxia, 2011.
- ↑ Dous libros de Galaxia, premiados na web Fervenzas Literarias Arquivado 22 de agosto de 2017 en Wayback Machine. en Editorial Galaxia.
- ↑ Bartug Aykan, en Cultura Galega.
