Banco Bilbao Vizcaya Argentaria

Banco Bilbao Vizcaya Argentaria
Tipo	banco, negocio, empresa e empresa de capital aberto
Parte de	IBEX 35
Forma xurídica	sociedad anónima
Personalidades
Presidente/a	Carlos Torres Vila (2018-)
	Número de empregados 123174 () ; ;
Actividade
Industria	servizos financeiros e sector financeiro
	Produtos servizos financeiros ; ;
Entidades
	Ten en propiendade Q49611040 ; ;
	Membro de Net-Zero Banking Alliance ; ;
	Entidades subsidiarias BBVA Argentina; BBVA Colombia; BBVA Uruguay; BBVA (Suíza); BBVA Provincial; BBVA México; BBVA Perú; Garanti BBVA ; ;
Economía
Bolsa de valores	New York Stock Exchange, Bolsa de Madrid e Bolsa de Valores de Asunción
	Beneficio neto 3512000000 € (2019) ; ;
	Activos totais 698690000000 € (2019) ; ;
Data
Fundación	1999
Cronoloxía
	← Banco Bilbao Vizcaya e Argentaria
Localización
	43°15′35″N 2°55′29″O / 43.2598061, -2.9247372
Enderezo	Plaza de San Nicolás número 4, Bilbao 48005
Sede	Edificio del Banco de Bilbao (en) e Ciudad BBVA (en)
Lugar de formación	Bilbao
Contacto
Páxina WEB	bbva.com
Redes
	[ Wikidata ]

O Banco Bilbao Vizcaya Argentaria (BBVA) é unha entidade bancaria española con participación en entidades financeiras de máis de trinta países.

O Banco ten a súa sede social na cidade de Bilbao (País Vasco), aínda que a maior parte dos servizos centrais da entidade atopánse en Madrid (2009), concentrados na Torre BBVA (oficinas centrais do banco); conta con preto de 109 000 empregados, así como uns 35 millóns de clientes esparecidos en máis de 30 países por todo o mundo e aproximadamente 1 millón de accionistas. O banco ven de vender no 2009, a maior parte dos seus edificios corporativos en Madrid, e nun futuro vindeiro planea mudarse a unha nova cidade financeira que se está a proxectar ao norte da capital madrileña.

Nun proceso de deslocalización no que leva inmerso o banco dende o ano 2007, a dirección decidiu levar a cabo unha política de externalización de servizos e custos, trasladando moitos dos procesos administrativos e de operacións que se estaban a facer en servizos centrais (en Madrid e Bilbao) cara á cidade andaluza de Málaga e noutras cidades situadas no continente iberoamericano, externalizando os servizos nunha empresa pertencente ao grupo BBVA chamada OP PLUS Operacións e Servizos, aforrando tanto custos económicos como sociais.

Historia

O BBVA foi creado en 1999 como resultado da fusión das seguintes entidades bancarias:

Banco Bilbao Vizcaya (BBV), creado en 1988 mediante a fusión, á vez, de:
- Banco de Bilbao, fundado en 1857 en Bilbao.
- Banco de Vizcaya, fundado en 1901, tamén en Bilbao.
Argentaria (Corporación Bancaria de España), entidade pública fundada en 1991 e privatizada entre 1993 e 1998, formada mediante a fusión de diversos bancos de propiedade pública, entre os que destacaban:

Á súa vez cando se formalizou a fusión entre o BBV e Argentaria, fusionáronse tamén outras entidades que pertenecían ao grupo, como o Banco de Alicante, o Banco de Comercio, ou a Banca Catalana.

En febreiro do 2007 o BBVA anunciou a merca do banco estadounidense Compass Bancshares por un importe de 9 600 millóns de dólares, e o seu plan de fusionar as catro entidades bancarias para crear a maior entidade do sur do país^[1]

A partir de xulio de 2007, o empresario galego Manuel Jove, anterior propietario de máis da metade de Fadesa, converteuse no principal accionista do BBVA, ao mercar un 4,9 % deste (174 millóns de accións) por 3 285 millóns de euros. Malia ter ao maior accionista de orixe galega, dito idioma é discriminado no banco, nas súas relacións coa clientela desa comunidade en España.

Patrocinios deportivos

Desde a tempada 2006/2007 o banco patrocina e dá nome (Liga BBVA) á Segunda División A do fútbol español. Desde a tempada 2008/2009, o banco patrocina a primeira división española, que tamén mudou o nome e pasou a chamarse Liga BBVA. O banco mantén o patrocinio da Segunda, que agora se denomina "Liga Adelante" (o eslogan do banco).

Premios Fundación BBVA Fronteiras do Conocemento e a Cultura

A Fundación BBVA convoca anualmente os Premios Fundación BBVA Fronteiras do Conocemento e a Cultura, cuxo propósito é recoñecer e incentivar a investigación e a creación cultural, en especial aquelas contribucións de amplo impacto pola súa orixinalidade e implicacións teóricas, así como pola súa capacidade de orixinar innovacións prácticas. A denominación destes premios quere significar tanto o traballo de investigación capaz de artellar o conocemento e amplialo, desprazando cara a adiante e de maneira continua, a fronteira do coñecido, como o encontro entre áreas disciplinares.

Os Premios Fundación BBVA Fronteiras do Conocemento e a Cultura teñen periodicidade anual, con oito categorías: Ciencias Básicas (Física, Química, Matemáticas); Biomedicina; Ecoloxía e Bioloxía da Conservación; Tecnoloxías da Información e a Comunicación; Economía, Finanzas e Xestión de Empresas; Música contemporánea; Troco climático e Cooperación ao desenvolvemento.

Notas

↑ "BBVA planea fusionar cuatro bancos para crear la mayor entidad del sur de EEUU", artigo en El País, 16 de febreiro de 2007 (en castelán).

Véxase tamén

Ligazóns externas

Grupo BBVA (en castelán).
Fundación BBVA (en castelán).
Informe "Los 50 bancos más seguros del mundo en 2009", segundo a revista The banker (en castelán).

[1] "BBVA planea fusionar cuatro bancos para crear la mayor entidad del sur de EEUU", artigo en El País, 16 de febreiro de 2007 (en castelán).

[1]